काठमाडौं, २७ चैत्र । आइसीसी टी २० विश्वकपअघि नेपाली राष्ट्रिय क्रिकेट टोलीले घरेलु मैदानमा वेस्टइन्डिज ‘ए’ सँग नेपाल श्रृखला खेल्ने भएको छ ।
एसीसी मेन्स प्रिमियर कप खेलेर फर्केपछि नेपालले टियु अन्तर्राष्ट्रिय क्रिकेट मैदानमा सिरिज आयोजना हुनेछ ।
दुवै देशका क्रिकेट संस्थाहरुको समन्वयमा नेपाल र वेस्टइन्डिज ‘ए’ बीच खेल तालिका तय गरिएको छ । दुवै टिमले टी २० फम्र्याटमा ५ खेल खेल्ने तालिका रहेको छ । सिरिज अप्रिल २५ देखि ५ मेसम्म चल्नेछ ।
नेपाली टोली त्यसपछि विश्वकपको तयारीका लागि अमेरिका प्रस्थान गर्ने प्रारम्भिक तयारी छ । प्रिमियर कप अप्रिल १२ देखि २१ सम्म ओमानमा हुँदैछ । भारतमा एसएमएस प्रिमियर कप खेल्न गुजरात प्रस्थान गरेको नेपाली टोली भारतबाट सिधै एसीसी कपको लागि ओमान प्रस्थान गर्ने कार्यक्रम छ ।
यसै जुनमा हुने विश्वकपको आयोजना अमेरिका र वेस्ट इन्डिजमा हुँदैछ । २० राष्ट्र सम्मिलित विश्वकपको नेपाल समूह डी मा रहेको छ । नेपालसँगै समूहमा दक्षिण अफ्रीका, श्रीलंका, बंगलादेश र नेदरल्यान्ड्स रहेका छन् ।
नेपालले जुन ४ मा नेदरल्यान्ड्सविरुद्ध खेल्दै प्रतियोगिता सुरुवात गर्नेछ ।
