काठमाडौं १९ बैशाख । नेपालले आइसीसी टी २० विश्वकपका लागि टोली घोषणा गरेको छ । नेपालले यसै महिना खेलेको एसीसी प्रिमियर कप टोलीमा दुई परिवर्तन गरेर नयाँ टोली घोषणा गरेको छ ।
विश्वकप टोलीमा विवेक यादव र आकाश चन्दको स्थानमा कमलसिंह ऐरी र सागर ढकाल आएका छन् ।
वेस्ट इन्डिज ए विरुद्ध भईरहेको श्रृखलामा खेलिरहेका खेलाडीबाट विवेक यादव र विनोद भण्डारीसँगै आकाश चन्द, आरिफ शेख र लोकेश बम टिममा पर्न सकेनन् ।
१५ सदस्यीय नेपाली टोलीमा रोहित कुमार पौडेल (कप्तान),दीपेन्द्र सिंह ऐरी,कुशल भुर्तेल,आसिफ शेख,अनिल शाह,सन्दीप जोरा, कुशल मल्ल, गुलशन झा, सोमपाल कामी, करण केसी, अभिनाश बोहोरा, कमल सिंह ऐरी, प्रतिश जिसी, ललितनारायण राजवंशी र सागर ढकाल छन् ।
