ड्याल्लास(टेक्सास,संयुक्त राज्य अमेरिका)। आइसीसी पुरुष टी २० विश्वकप २०२४ अन्तरग नेपाल र अमेरिकाबीच हुने भनिएको औपचारिक वार्मअप खेल रद्द भएको छ । खेल वर्षाका कारण रद्द भएको हो । नेपाल र अमेरिकाबीचको खेल बिहिबार १०ः३० मा सुरु हुने तालिका थियो ।
टेक्सस राज्यको ड्याल्लासस्थित ग्रान्ड प्रेरी मैदानमा निर्धारित खेलको टस जितेर अमेरिकाले ब्याटिङ गर्ने निर्णय लिएको थियो । बलिड.मा आफ्नो टिमको कौशल देखाएर आयोजक अमेरिकालाई उसैको मैदानमा हराउन तम्तयार रहेको नेपाली टिम बर्षाको कारण खेल रद्द भएकोले चुकचुकाएको छ ।
नेपालले वार्म अपको पहिलो खेलमा सोमबार क्यानाडासँग ६३ रनले पराजित भएको थियो । त्यस्तै अमेरिकाको बंगलादेशबीच मंगलबार हुने भनिएको खेल भने खराब मौसमका कारण रद्द भएको थियो ।
वार्म अप खेल भएकाले दुवै टोलीले आफ्नो सबै १५ खेलाडी प्रयोग गर्न पाउने प्रावधान थियो । नेपालले पछिल्लो खेलमा १२ खेलाडी प्रयोग गरेको थियो ।
