माले(माल्दिभ्स), ५ साउन । माल्दिभ्समा भैरहेको काभा यू २० महिला भलिबल च्याम्पियनसिपमा नेपाली चेलीहरुले घरेलु टोलीलाई पराजित गरेका छन् ।
आज(शनिबार) भएको खेलमा नेपाली चेलीहरुले आयोजक माल्दिभ्सको टोलीलाई ३-० को सोझो सेटमा हराएका हुन् । खेलमा नेपाली टोलीले माल्दिभ्सलाई २५-१६, २५-९, २५-१० ले हराएको छ ।
लिग चरणमा नेपाल तेस्रो भएको छ । अब नेपालले अंक तालिकाको दोस्रो स्थानमा रहने टोलीसँग सेमिफाइनल खेल्नेछ।
पहिलो र दोस्रो स्थानका लागि समान ६ अंक भएका श्रीलंका र किर्गिजस्तान भिड्दै छन् ।
सेमिफाइनलमा शीर्षस्थानमा रहने टोलीले अंक तालिकाको पुछारको माल्दिभ्ससँग प्रतिस्पर्धा गर्नेछ।
माल्दिभ्सले सबै ३ खेल गुमाएको थियो। नेपाल पहिलो खेलमा श्रीलंकासँग ३-१ र किर्गिस्तानसँग ३-० ले पराजित भएको थियो।
