काठमाडौं, १८ माघ । महिला त्रिकोणात्मक टी २० आई नेपाल श्रृखलामा आज नेदरल्याण्ड्स र थाइल्याण्डको खेल्दैछन्।
खेल कीर्तिपुरस्थित टियु क्रिकेट मैदानमा दिउँसो १२ः१५ बजे सुरु हुनेछ। श्रृखलामा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ ।
नेदरल्याण्ड्सले बिहीवार भएको पहिलो खेलमा आयोजक नेपाललाई पराजित गरेको थियो । नेदरल्याण्ड्सले नेपाललाई २० रनले पराजित गरेको थियो ।
महिला टी २० आई वरियतामा थाइल्याण्ड १३औं, नेदरल्याण्ड्स १६औं र नेपाल २०औं स्थानमा छन् ।
श्रृखलामा सहभागी टोलीले एकअर्कासँग समान ३ पटक खेल्नेछन् । अंक तालिकाको शीर्ष स्थानमा रहने टोली विजेता बन्नेछ । नेपालले दोस्रो खेलमा शनिवार थाइल्याण्डसँग खेल्नेछ ।
