काठमाडौँ, २५ चैत्र । साहसिक कार्य गर्ने प्रयासलाई सशक्त बनाउने आफ्नो अटुट प्रतिबद्धताको एक हिस्साको रूपमा, पञ्चकन्या समूहले गर्वका साथ प्रसिद्ध फिटनेस आइकन एवम् कलाकार कविता नेपालीको सगरमाथा र ल्होत्से आरोहण अभियानलाई सहयोग गरेको छ ।

चैत्र ३० गतेदेखि प्रारम्भ हुने महत्वाकांक्षी एभरेस्ट र लोत्से हिमालको आरोहणलाई पञ्चकन्याले आफ्नो संस्थागत सामाजिक उत्तरदायित्व (सीएसआर) पहल अन्तर्गत हातेमालो गर्ने गरी आर्थिक सहयोग गरेको छ । यो सामाजिक कार्यमा गरेको सहयोग, उनलाई एक कलाकारको रूपमा मात्र नभई उहाको बहुआयामिक प्रतिभा र राष्ट्रिय गौरवको प्रतीकको रूपमा गरेको कम्पनीका प्रबन्ध निर्देशक प्रदिपकुमार श्रेष्ठले बताउनुभएको छ । सन् २०१८ मा बुगी वुगी इन्टरनेसनल नृत्य प्रतियोगिता तथा चिनियाँ मार्सल आर्टमा समेत अब्बल भई सफलता हासिल गरिसकेको अनुभवलाई शिरोपर गर्दै कविताले अब हिमालयमा एउटा पुस्ताको आशा र नेपाली महिलाहरूको स्थायी शक्तिलाई लिएर जाने विश्वास कम्पनीले लिएको छ ।

उचाइको विरासत

यो साझेदारीले पञ्चकन्या समूहले लामो समयदेखि विभिन्न विशिष्ट क्षेत्रहरुमा नयाँ उचाइ चुम्न प्रयासरत नेपाली महिलाहरूलाई सहयोग गर्ने परम्पराको निरन्तरता रहेको छ । यस समुहले सन् २०१३ मा माउन्ट किलिमान्जारोमा आरोहण गर्ने सेभेन समिट्स महिला टोलीको समूहलाई आफनो कम्पनी सुरुवात भएको ४० औँ वार्षिकोत्सवको अवसरमा सार्वजनिक ब्यानर सो हिमालको चुचुरोमा पुयाएको थियो ।

यहि सिलसिलामा सगरमाथा आरोहण गर्ने अठोट राखेका साहसी नेपाली महिला निशा अधिकारी, डाक्टर प्रिती भुसाल तथा व्यवसायिक पत्रकारिता गर्ने हिम्मतिला पाँच नेपाली महिला पत्रकारहरुले पितृसत्तामक पुरातनवादी सोचलाई भत्काउँदै नेपाललाई विश्व मन्चमा प्रतिनिधित्व गर्दै नेपालको गौरव राख्न ठूलो भूमिका खेल्नुभएको छ ।

संस्थागत सामाजिक उत्तरदायित्व मार्फत महिला सशक्तिकरण

अन्तर्राष्ट्रिय महिला दिवसको विशेष कार्यक्रमबिच घोषणा गरिएको यो प्रायोजनले आर्थिक सहयोग भन्दा पनि अर्थपूर्ण, दीर्घकालीन प्रभाव सिर्जना गर्नेमा पञ्चकन्या समूहको विश्वासलाई मूर्त रूप दिनेमा कुनै शंका नभएको कम्पनीले विश्वास रहेको छ । यस कम्पनीको संस्थागत सामाजिक उत्तरदायित्व रणनीति मुख्य गरी पाँच क्षेत्रहरूमा केन्द्रित रहेको छ । त्यसमा शिक्षा, वातावरण, महिला सशक्तिकरण, स्वास्थ्य र सरसफाई तथा सिप विकास गरी नैतिक, समावेशी, र दिगो विकासप्रति आफ्नो प्रतिबद्धतालाई थप सुदृढ गरेको छ ।

“कविताको यात्रा आरोहणभन्दा धेरै संसारभरिका साहसी मानिसहरुलाई लागि सन्देश हो“, पञ्चकन्याका समुहको प्रवक्ताले भन्नुभएको छ ”हामीले उनलाई सहयोग र समर्थन गर्न पाउँदा गर्व गर्छौं किनकि उनले नेपालको कथा र भावनालाई विश्वको शीर्ष उचाइमा पुर्याउदैँछिन्।“

पञ्चकन्या समूहको बारेमा

“ठोस प्रतिबद्धता“ को मन्त्रद्वारा निर्देशित, पञ्चकन्या समूह नेपालको सबैभन्दा सम्मानित औद्योगिक समूहहरू मध्यको एकको रूपमा स्थापित छ । यो नवीनता, सामाजिक लगानी तथा पूर्वाधार र मानव स्रोत निर्माण गर्ने अभियानमा सदैव तत्पर रहेको कम्पनी हो ।