काठमाडौं, ५ मंसिर। ललितपुर २ बाट प्रतिनिधिसभा सदस्यमा नेकपा एमालेका प्रेम महर्जन निर्वाचित हुनुभएको छ ।
सोमबार राति सकिएको मत गणनाअनुसार महर्जन ९ हजारभन्दा बढी मतान्तरले विजयी हुनुभएको छ ।
एमालेका महर्जनले १९ हजार ८ सय ३४ मत पाउनुभएको छ भने दोस्रो स्थानमा हाम्रो नेपाली पार्टीका सुदीन शाक्यले १० हजार ४४० मत पाउनुभएको छ ।
राष्ट्रिय स्वतन्त्र पार्टीका बुद्धरत्न महर्जनले १० हजार १३६ मत पाउँदा सत्ता गठबन्धनका साझा उम्मेदवार बनेका एकीकृत समाजवादीका कृष्णलाल महर्जन चौथो हुनुभएको छ।
निवर्तमान सांसद महर्जनले ९ हजार ५ सय ३९ मत पाउनुभएको छ ।
