काठमाडौं, २१ साउन । भारतीय प्रधानसेनापति जनरल धिरज सेठ नेपाल भ्रमणमा आउनुहुने भएको छ ।
उच्च सरकारी स्रोतका अनुसार उहाँ अगस्ट १६ मा नेपाल आउने तयारी छ ।
उहाँले २०२६ को जुन ३० मा भारतको प्रधानसेनापतिको रुपमा पद सम्हाल्नुभएको थियो ।
नेपाल र भारतका प्रधानसेनापति एकर्का देशको मानार्थ प्रधानसेनापति हुने चलन छ । नेपालका प्रधान सेनापति र भारतका प्रधानसेनापति नियुक्त भएपछि एक अर्का देशमा जाने चलन पनि छ ।
भ्रमणका क्रममा प्रधानमन्त्री बालेन्द्र शाहसँग पनि शिष्टाचार भेट गर्ने संभावना छ तर निश्चित चाहिँ छैन ।
नेपाल र भारतीय सेनाबीच निकै ऐतिहासिक सम्बन्ध छ । लामो समयदेखि यी दुई देशका सेनाबीच मानार्थ महारथीको दर्जा दिने चलन समेत रहँदै आएको छ ।
सन् १९५० देखि मानार्थ महारथी दिने चलन रहेको सैनिक मुख्यालय जङ्गी अड्डाले बताएको छ ।
नेपाली सेनाका बहालवाला प्रधानसेनापति अशोकराज सिग्देलले समेत भारतीय सेनाको मानार्थ महारथी दर्जा प्राप्त लिइसक्नुभएको छ ।
२७ मङ्सिर २०८१ मा नयाँ दिल्लीस्थित राष्ट्रपति भवनमा एक विशेष समारोहबीच राष्ट्रपति द्रौपदी मुर्मुले प्रधानसेनापति सिग्देललाई मानार्थ महारथीको दर्जा प्रदान गर्नुभएको थियो ।
