जेनेभा(स्वीजरल्याण्ड), १ फागुन । गैर आवसीय नेपाली संघ महिला फोरम स्वीटजरल्याण्डले आउँदो मार्च १० शनिवारको दिन १०८ औं अन्तराष्ट्रिय नारी दिवस कार्यक्रम भव्यताका साथ सम्पन्न गर्ने निर्णय गरेको छ ।
प्रगतिकालागि जोड भन्ने नारा सहित मनाउन लागिएको उक्त कार्यक्रममा नेपालका नारी उत्थानका केही परियोजनाका लागि सहयोग गर्ने कार्यक्रम पनि प्रस्तुत गरिने छ ।
उक्त कार्यक्रम सम्पन्न गर्न एनआएन स्वीजरल्याण्ड महिला फोरमकी संयोजक सुभा एल्मर लामाको संयोजकत्वमा समिति गठन गरिएको छ ।
संंयोजक लामाले यस बर्षको अन्तराष्ट्रिय नारी दिवस कार्यक्रम महिला जागरणको साथ साथै नेपालमा आड. खस्ने रोग र प्रौढ शिक्षा परियोजनालाई सफल बनाउन आर्थिक सहयोग जुटाउने उद्देश्य राखिएको जानकारी गराएकी छिन् ।
उक्त कार्यक्रममा नेपाली दुतावासका प्रतिनिधि , नारी समाज पोर्तुगलकी अध्यक्ष तथा एन आर एन महिला फोरम पोर्तुगलकी संयोजक सिता बराल त्यस्तै नारी समाज पोर्तुगलकी महासचिब मिना खरेलको विशेष अतिथि रहने छन् ।
