कीर्तिपुर(काठमाडौं), १ फागुन । अन्तर्राष्ट्रिय क्रिकेट परिषद(आईसीसी)को आयोजनामा भैरहेका लिग २ अन्तरगत भोलिदेखि काठमाडौंको कीर्तिपुर क्रिकेट मैदानमा त्रिदेशीय एक दिवसीय क्रिकेट खेल हुने भएको छ ।

प्रतियोगिताका लागि नामिबिया र स्कटल्याण्डको टिम नेपाल आइसकेको छ । प्रतियोगितामा सहभागी बन्ने तीन वटै टिम आजसम्म अभ्यास खेलमा व्यस्त रहेका छन् ।

घरेलु टोली नेपालले यस प्रतियोगिताको लागि अन्तिम १४ सदस्यीय टोली घोषणा गरिसकेको छ ।

यो श्रृखला नेपालका लागि गर या मरको स्थितिमा रहेको छ । एक दिवसीय मान्यता प्राप्त नेपाल लिग २ का ३६ खेल मध्ये २४ खेल खेलिसकेको छ र उसले १८ अंक हासिल गरेको छ । नेपाल सात देशमा छैठौं स्थानमा रहेको छ ।

हालसम्म ३२ खेल खेलेको स्कटल्याण्ड ४६ अंक सहित शीर्षमा रहेको छ । उसले अझै ४ खेल खेल्न पाउछ । उसको शीर्षस्थानलाई अरुलाई चुनौती दिन सक्ने देखिदैन । टिमका हिसाबले ऊ अब्बल नै मानिन्छ ।

Points table

Pos	Team	Pld	W	L	T	NR	Pts	NRR	Qualification
1	Scotland (Q)	32	22	8	0	2	46	0.638	Qualification for the 2023 Cricket World Cup Qualifier
2	Oman	36	21	13	1	1	44	0.039
3	Namibia	30	18	11	0	1	37	0.484
4	United States (A)	36	16	17	2	1	35	−0.040	Qualification for the 2023 ICC Cricket World Cup Qualifier Play-off
5	United Arab Emirates	26	12	11	1	2	27	0.051
6	Nepal	24	8	14	1	1	18	−0.331
7	Papua New Guinea (A)	28	2	25	1	0	5	−0.982

Updated to match(es) played on 8 December 2022. Source: ESPN Cricinfo^[37]
(A) Advances to a further round; (Q) Qualified for the phase indicated

---

दोस्रो स्थानमा रहेको ओमानले ३६ खेलबाट ४४ अंक हासिल गरेको छ । नेपालले ओमान सरह बन्न अबका १२ खेलबाट २६ अंक जोड्नु पर्दछ । जुन असंभव जस्तै छ ।

तेस्रो स्थानमा ३० खेलमा १८ जित र एक रद्दको अंक बाँडेर ३७ अंक हासिल गरेको नामिबिया छ । नेपालले नामिबियाको समान पुग्न हालको स्थितिमा १२ मा १० खेल जित्नु पर्दछ । ६ खेलमा नामिबियाले केही खेल जितेमा नामिबियाको समकक्षमा पुग्ने नेपाली सपना पनि अधुरो रहन सक्छ ।

लिग २ मा रहेका शीर्ष ३ टोली सन २०२३ मा हुने विश्व कप प्रतियोगितामा क्वालिफायरमा सहभागिता जनाउन पाउने छन् भने चौथोदेखि सातौं स्थानमा रहने चार टिमले आइसीसी विश्वकप क्वालिफायर प्ले अफमा जानु पर्नेछ ।

विश्वकप सहभागिताको लागि नेपालका लागि घरेलु क्रिकेट मैदानमा भोलिदेखि हुने प्रतियोगितासहित बाँकी सबै खेलहरु अत्यन्तै महत्वपूर्ण रहेका छन् ।

चौथो स्थानमा रहेका अमेरिकाले ३६ वटै खेल सकेर ३५ अंक हासिल गरेर चौथौ स्थान सुरक्षित गरेको छ । २६ खेल मात्र खेलेको युनाइटेड अरब इमिरेट्सले २७ अंक हासिल गरी पाँचौ स्थान ओगटेको छ । नेपालभन्दा पछि रहेको पपुवा न्यु गिनीले २८ खेलमा ५ अंक जुटाएको छ ।

नेपाली टिम विश्वस्त

यस पटक घरेलु क्रिकेट मैदानमा आफ्ना खेलाडीहरुले उत्कृष्ट प्रदर्शन गरेर श्रृखला जित्ने दावी नेपाल क्रिकेट संघका पदाधिकारीहरुले गरेका छन् ।

नेपाली क्रिकेट टोलीका प्रमुख छनोटकर्ता दीपेन्द्र चौधरीले नेपाली खेलाडीहरुले राष्ट्रिय तथा अन्तर्राष्ट्रिय खेलमा गरेको प्रदर्शन र खेलाडीको शारीरिक तन्दुरुस्तीको आधारमा खेलाडी चयन गरिएकोले यसपटक राम्रो नतिजाको अपेक्षा गरिएको बताए ।

नेपालले यसपटक कप्तान रोहित पौडेलको नेतृत्वमा कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्रसिंह ऐरी, सन्दीप जोरा, सोमपाल कामी, करण केसी, ललितनारायण राजवंशी, सन्दीप लामिछाने, गुलशन झा, भीम सार्की र सूर्य तामाङलाई अन्तिम १४ मा समावेश गरेको छ भने आरिफ शेख, प्रतिश जी.सी. मौसम ढकाल र अर्जुन साउदलाई वैकल्पिक खेलाडीको रुपमा राखेको छ ।

आरिफ नेपालका ओडिआई क्रिकेटका भरपर्दा ब्याटर आरिफ शेखलाई ज्वरो आएकोले उनलाई वैकल्पिकमा राखिएको छ । ३२ ओडिआई खेलमा ४ अर्धशतकसहित ५ सय ८२ रन जोडेका आरिफ मध्य गतिका बलरको भूमिकामा पनि देखा पर्दछन् ।आरिफ फिट भनएकोले नेपालले भीम सार्कीलाई मौका दिएको छ ।आरिफको स्थानमा भीमसँगै कुशल मल्ल र सन्दीप जोरा मध्य एकले मौका पाउनेछन् ।

नेपालले सन्दीप लामिछानेलाई पनि मौका दिएको छ । सन्दीपको फिटनेश अवस्था ठिक भएको बताए । त्यस्तै बायाँ हाते स्पिनर सूर्य तामाङ पहिलो पटक टोलीमा परेका छन् ।