काठमाडौं, २४ श्रावण। आज पनि देशका अधिकांश भागमा भारी बर्षाको संभावना रहेको छ । मौसम तथा जलवायु विज्ञान विभागको मौसम पूर्वानुमान महाशाखाले दिएको जानकारी अनुसार आज देशका चार प्रदेशका ठाँउ ठाँउमा भारी बर्षाको संभावना रहेको छ । महाशाखाका अनुसार मधेश,वाग्मती, गण्डकी र लुम्बिनी प्रदेशमा भारी बर्षाको संभावना रहेको हो ।

नेपालमा मनसुनी वायुको साथै बंगलादेशको उत्तरी भूभाग तथा आसपासमा रहेको न्यून चापीय प्रणालीको प्रभाव रहेको छ। मनसुनको न्यून चापीय रेखा सरदर स्थान भन्दा उत्तरतिर (नेपाल नजिक) अवस्थित रहेको छ।

जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर सामान्य देखि पूर्ण बदली रही गण्डकी प्रदेशका केही स्थानहरूमा र बाँकी प्रदेशका थोरै स्थानहरूमा हल्का देखि मध्यम वर्षा भइरहेको छ।

दिउँसो देशभर सामान्य देखि पूर्ण बदली रहनेछ। देशका धेरै स्थानहरूमा हल्का देखि मध्यम वर्षाको सम्भावना रहेको छ।देशका धेरै स्थानहरूमा हल्का देखि मध्यम वर्षाको सम्भावना रहेको छ। मधेश, बागमती, गण्डकी र लुम्बिनी प्रदेशका थोरै स्थानहरुमा मेघ गर्जनरचट्याङसहित भारी वर्षाको पनि सम्भावना रहेको छ।

राति भने देशभर सामान्य बदली रहने छ। कोशी, मधेश, बागमती र गण्डकी प्रदेशका केही र बाँकी प्रदेशको थोरै स्थानहरूमा हल्का देखि मध्यम वर्षाको सम्भावना रहेको छ।

गण्डकी र लुम्बिनी प्रदेशका एक दुई स्थानमा मेघ गर्जन र चट्याङसहित भारी वर्षाको समेत सम्भावना रहेको छ। कोशी प्रदेश र मधेश प्रदेशका थोरै स्थानहरूमा हावाहुरीको पनि सम्भावना रहेको छ।

यसका कारण नदीको जल सतह बढ्ने, गेग्रान बहाव, बाढी, पहिरो, भू क्षय तथा हावाहुरी जस्ता प्रकोप हुन सक्ने भएकोले जन स्वास्थ्य, कृषि, दैनिक जनजीवन, सडक तथा हवाई यातायातमा हुन सक्ने असुविधा, जोखिम वा क्षतिबाट बच्न आवश्यक सतर्कता अपनाउन महाशाखाले अनुरोध गरेको छ।

जल तथा मौसम विज्ञान विभागको बाढी पूर्वानुमान महाशाखाले दिएको जानकारी अनुसार मंगलबार राती कैलाली र कञ्चनपुर जिल्लामा भारी बर्षाको कारण त्यहाँका खोला,नाला र नदीको जलसतह बढेको छ । ती स्थान भएर यात्रा गर्दा सतर्कता अपनाउन महाशाखाले सबैमा अनुरोध गरेको छ ।

साउन २३ राती ११:३० बजे
हाल कैलाली र कञ्चनपुरको अधिकांश स्थानहरूमा भारी वर्षा भइरहेको तथा खुटीया खोला मुडीभर केन्द्रमा जलसतह खतरा तह नजिक रहेको र बढ्दो क्रममा छ। उक्त नदी तटीय क्षेत्रमा रहनुहुनेहरू तथा डुबान भइरहने होचो भूभागमा रहनुहुनेहरूले उच्च सतर्कता अपनाऔँ।@NDRRMA_Nepal pic.twitter.com/XGx4v3Vr2c

— Nepal Flood Alert! नेपाल बाढी सूचना! (@DHM_FloodEWS) August 8, 2023