नयाँदिल्ली (भारत), १० जेठ(बीबीसी) । भारतमा केही दिनदेखि उच्चपदस्थ व्यक्ति तथा खेलाडीहरूले ट्विटरमा व्यापक रूपमा चलेको एउटा लहरअनुसार आफूले व्यायाम गरेको भिडिओ एकपछि अर्को गरी सम्प्रेषित गरेका छन् ।
सामाजिक सञ्जालको भाषामा ‘ट्रेन्ड’ भनिने यो लहर खेलमन्त्री राज्यवर्धन राठोरले आफूले व्यायाम गरेको भिडिओ राखेर अरूलाई पनि त्यस्तै गर्न चुनौती दिएपछि सुरु भएको हो।
Post pictures and videos of how you keep yourself fit and send a #FitnessChallenge to your friends on social media. Here's my video 😀and I challenge @iHrithik, @imVkohli & @NSaina to join in🥊 pic.twitter.com/pYhRY1lNEm
— Col Rajyavardhan Rathore (@Ra_THORe) May 22, 2018
राठोरले नामै तोकेर चुनौती दिएपछि भारतीय क्रिकेट खेलाडी विराट कोहलीलाईले त्यो चुनौती स्वीकारे।
आफ्नो भिडिओ राख्ने क्रममा कोहलीले फेरि नामै तोकेर प्रधानमन्त्री मोदीलाई उक्त चुनौती दिए।
Challenge accepted, Virat! I will be sharing my own #FitnessChallenge video soon. @imVkohli #HumFitTohIndiaFit https://t.co/qdc1JabCYb
— Narendra Modi (@narendramodi) May 24, 2018
I have accepted the #FitnessChallenge by @ra_THORe sir. Now I would like to challenge my wife @AnushkaSharma , our PM @narendramodi ji and @msdhoni Bhai for the same. 😀 #HumFitTohIndiaFit #ComeOutAndPlay pic.twitter.com/e9BAToE6bg
— Virat Kohli (@imVkohli) May 23, 2018
How about devoting some time to Setu Bandhasana? I am sure you will enjoy this Asana. Watch this video. #4thYogaDay pic.twitter.com/EOMPUhuwwe
— Narendra Modi (@narendramodi) May 24, 2018
प्रतिक्रियास्वरूप केही भारतीय मन्त्रीहरूले पनि उस्तै भिडिओ राखेका छन्।
बलिवुडका अभिनेता ऋतिक रोशन, भारतीय महिला क्रिकेट टोलीकी कप्तान मिथाली राज अनि अन्य खेलाडीले पनि त्यस्तै गरी आफूहरूले व्यायाम गरिरहेको भिडिओ राखेका छन्।
गत मार्चमा प्रधानमन्त्री मोदीले ‘स्वस्थ भारत’ अभियानको आह्वान गरेका थिए। उनले खासगरी योगको फाइदा उल्लेख गरेका थिए।
उनले योगाभ्याससँग सम्बन्धित सामग्री आफ्नो सामाजिक सञ्जालका खातामा प्रेषित गर्ने गरेका छन्।
खेलमन्त्री राठोरले पनि उनको अभियान प्रधानमन्त्रीको स्वस्थ भारतको उद्देश्यप्राप्तिका लागि सहायक हुने ठानेका छन्।
