नर्थ क्यारोलाइना(संयुक्त राज्य अमेरिका), २७ आषाढ । नर्थ कारोलिनाको बैंक अफ अमेरिका स्टेडियममा भएको दोस्रो सेमिफाइनल खेलमा उरुग्वेलाई पराजित गर्दै कोलम्बिया कोपा अमेरिका २०२४ को फाइनलमा प्रवेश गरेको छ।
बिहीबार बिहान ५ः४५ (नेपाली समय अनुसार) मा सुरु भएको खेलमा कोलम्बियाले उरुग्वेलाई एक गोलले पराजित गरेको हो।
खेलमा जेफरसन लेर्माले खेलको ३९ औँ मिनेटमा गरेको गोल नै निर्णाय बन्न पुग्यो।
पहिलो हाफको अतिरिक्त समयमा रेड कार्ड पाएर कोलम्बिया १० खेलाडीमा सीमित भएपनि उरुग्वे गोल गर्न असफल रह्यो।
विजेता कोलम्बियाले पहिलो सेमिफाइनल खेलको विजेता अर्जेन्टिनासँग फाइनलमा सामना गर्नेछ।
कोपा अमेरिका २०२४ को फाइनल खेल सोमबार (असार ३१ गते) नेपाली समय अनुसार बिहान ५ः४५ मा सुरु हुनेछ।
