काठमाडौं, ३ साउन । नेपाल धितोपत्र ब्रोकर्श एशोसिएसनका पदाधिकारीहरुले अर्थमन्त्री विष्णु पौडेललाई भेट गरका छन् ,
एशोसिएसनको तर्फबाट अध्यक्ष सागर ढकालको नेतृत्वमा गएको प्रतिनिधि मण्डलले नवनियुक्त अर्थमन्त्री विष्णु पौडेललाई भेटेर बधाई तथा शुभकामना प्रदान गरेको थियो ।
सिंहदरबारस्थित अर्थमन्त्रालयमा मन्त्रीको कार्यकक्षमा भएको भेटघाटमा एशोसिएसनका तर्फबाट अध्यक्ष सागर ढकालले नवनियुक्त अर्थमन्त्रीबाट पूँजी बजारले सुधार र विकासको अपेक्षा गरेको बताउदै यसमा अग्रगामी नेतृत्व लिइदिन आग्रह गर्नुभएको थियो ।
भेटमा अर्थमन्त्री पौडेलले पूँजी बजारको विकासप्रति आफू सकारात्मक रहेको र यस क्षेत्रको विकास र स्थायित्वका लागि आफूले सक्रियतापूर्वक पहल गर्ने बचन दिनुभएको छ ।
