नेकपाभित्रको राजनीति : ओली हुँदा पेलान, प्रचण्डको निर्णयमा सर्वसम्मति !

Prakash Adhikari August 26, 2019

काठमाडौं, ९ भाद्र । नेपाल कम्युनिष्ट पार्टी (नेकपा)को केन्द्रीय सचिवालयको बैठक अध्यक्ष प्रचण्डको अध्यक्षतामा सम्पन्न भएको छ । पार्टी केन्द्रीय कार्यालय धुम्बराहीमा सम्पन्न बैठकले स्वास्थ्योपचारको सिलसिलामा सिंगापुरमा रहनुभएका प्रधानमन्त्री तथा अध्यक्ष कमरेड केपी शर्मा ओलीको स्वास्थ्य लाभको प्रस्ताव पारित गरेको छ ।

बैठकले पार्टीका नेता तथा कार्यकर्ताहरु बारे व्यक्तिगत विषयमा कुनै कुरा उठाउनु परेमा पार्टी भित्रै छलफलको बिषय बनाउनु पर्ने निर्णय गरेको छ । त्यस्ता व्यक्तिगत बिषयहरु सार्वजनिक रुपमा राखेमा स्पष्टीकरणको प्रक्रिया अगाडि बढाउँदै आवश्यक कारबाही गरिने निर्णय पनि गरेको छ ।

पार्टी सचिवालयको बैठकमा दुई पूर्वप्रधानमन्त्रीहरुको बीचमा आफ्नो पार्टीको संकेत गर्ने कुनै चिन्हसम्म नभएर राष्ट्र्यि झण्डा राखेर गरिएको यो बैठकले नेपाल कम्युनिष्ट पार्टीमा हसिया हथौडा अंकित झण्डाप्रतिको मोहभंग हुँदै गएको संकेत मात्र गरेको छैन, कम्युनिष्ट मूल्य,मान्यता,आदर्श र सिद्धान्तप्रति पनि त्यसरी नै वितृष्णा जागृत हुँदै गएको विम्बित गरेको छ ।

त्यसैगरी पार्टी एकीकरण प्रक्रिया सामेल हुनुभएका देवेन्द्र पराजुली, कल्पना धमला, पदम राई र किरण राईलाई बैठकले केन्द्रीय समितिमा मनोनित गरेको छ । त्यसैगरी बैठकले विगतमा गरिएको जिम्मेवारी बाँडफाँटमा यसरी हेरफेर गरेको छ :

जिल्ला सहइन्चार्जहरुः

तिलकुमार मेन्याङबो : ताप्लेजुङ

भगवती चौधरी : सुनसरी

प्रमोदनारायण यादव : सिरहा

हरिनारायण चौधरी : सिरहा

चुडामणि जंगली : कास्की

दीपक देवकोटा : कैलाली

रामचन्द्र साह : पर्सा इन्चार्ज

बलराम खत्री : मजदूर विशेष जिल्ला कमिटी सचिव

अन्य जिम्मेवारी

भानुभक्त ढकाल : राष्ट्रिय सुरक्षा विभाग प्रमुख

डोरमणि पौडेल : प्रादेशिक मामिला विभाग उपप्रमुख