काठमाडौं । नेपाल एशोसियशन अफ टुर एण्ड ट्राभल एजेन्ट (नाट्टा)को अध्यक्षमा सिएन पाण्डे निर्वाचित भएका छन् ।
शुक्रबार काठमाडौमा सम्पन्न निर्वाचनमा पाण्डेले प्रतिद्वन्दि डिके शर्मालाई पराजित गरेका हुन् ।
शनिवार विहान ३ बजे घोषित परिणाम अनुसार प्रथम उपाध्यक्ष, महासचिव र सहकोषाध्यक्ष पनि पाण्डेकै प्यानलबाट निर्वाचित भएका छन् भने द्धितीय उपाध्यक्ष, सचिव र कोषाध्यक्ष शर्मा प्यानलका निर्वाचित भएका छन् ।
नाट्टाको कार्यसमितिको अध्यक्षमा सिएन पाण्डे,प्रथम उपाध्यक्षमा अच्युत गुरागाईं, द्धितीय उपाध्यक्षमा संगिता जिरेल, महासचिवमा रमेश थापा, सचिवमा सविता भट्टराई,कोषाध्यक्षमा रामप्रसाद श्रेष्ठ, सह कोषाध्यक्षमा सुरेन्द्र भट्टराई निर्वाचित भएका छन् । त्यसैगरी सदस्यहरुमा सुदर्शन नेपाल, देबकी गुरुग, फुरी ग्याल्जेन शेर्पा, अमृतकुमार ढकाल, रमेश पौडेल, राजु ढकाल, ईनु थापा र गीता ढकाल निर्वाचित भएका छन् ।
