काठमाडौं, १३ चैत्र। नेपालको वाणिज्य बैंकमा उत्कृष्ट मानिएको नबिल बैंकले बीबीसीको मास्टर शेफ प्रतियोगितामा पुगेर नेपाली खानालाई विश्वभर चिनाउने शेफ सन्तोष हिरोज अफ नेपालको सम्मान प्रदान गरेको छ ।
बुधबार राजधानीमा आयोजित एक कार्यक्रममा बैंकका प्रमुख कार्यकारी अधिकृत अनिलकेशरी शाहले उहाँलाई यो सम्मान प्रदान गर्नुभएको थियो ।
नबिल बैंकले शेफ शाहको गृहनगरमा ई–पुस्तकालय निर्माण गर्न र ५ जना छात्राहरुलाई छात्रवृत्ति प्रदान गर्न पनि प्रतिबद्धता जनाएको छ ।
बिहिबार राजधानीमा भएका कार्यक्रममा शेफ सन्तोष शाह, अनिल केशरी शाह र अनुष्का श्रेष्ठबीच भएको प्यानल छलफलको क्रममा, शेफ सन्तोष शाहले प्रेरणादायक उपलब्धिहरू र जीवनका यात्राका चुनौतीहरूका बारेमा पनि बोल्नुभएको थियो ।
कार्यक्रममा नबिलका प्रमुख कार्यकारी अधिकृत अनिलकेशरी शाहले अरुले नसोचेको र नहिडेको फरक बाटो र माध्यमबाट नेपाललाई विश्वभर चिनाउने काम गरेकोमा शेफ सन्तोष साहको प्रशंसा गर्नुभएको थियो ।
