काठमाडौं,२२ फागुन । आगामी फागुन ३० गते बुधबार राष्ट्रियसभा अध्यक्षको निर्वाचन हुने भएको छ ।
राष्ट्रियसभाको अध्यक्षता गरेकी तारादेवी भट्टले फागुन ३० गते बुधबार राष्ट्रियसभा अध्यक्षको निर्वाचनमा हुने जानकारी गराएकी हुन् ।
राष्ट्रियसभाको मंगलबार बसेको बैठकमा उनले राष्ट्रियसभाको अन्तरिम कार्यविधि २०७४ को दफा ६ को उपदफा १ अनुसार ३० गते बुधबार १ बजे राष्ट्रियसभा अध्यक्षको निर्वाचन तोकिएको बताइन् ।
आजको बैठकले राष्ट्रियसभा नियमावली मस्यौदा समिति पनि गठन गरेको छ ।
नौं सदस्यीय मस्यौदा समितिमा गणेशप्रसाद तिमिल्सिना, परशुराम मेघी गुरुङ, दिलकुमारी रावल, सुरेन्द्रराज पाण्डे, राधेश्याम अधिकारी, दिनानाथ शर्मा, जीवन बुढा, बृशेषचन्द्र लाल र प्रमिला कुमारी सदस्य रहेका छन् ।
संविधानको धारा १ सय ४ को उपधारा १ माराष्ट्रियसभा संचालन गर्न, बैठकको सुब्यवस्था कायम गर्न र समितिहरुको गठन, कामकार्वाही संचालन गर्न नियमावली मस्यौदा समिति गठन गर्ने व्यवस्था गरिएको छ ।
