काठमाडौं, २५ माघ । मङ्गलबार उकालो लागेको नेपालको शेयर बजार बुधबार ओरालो लागेको छ ।

आज धितोपत्र बजार परिसूचक ७.१६ अङ्कले घटेर २१७०.१८ बिन्दुमा रोकिएको छ ।

आज २ सय ५७ वटा कम्पनीको १ करोड ५ लाख२ हजार ६ सय ४९ कित्ता शेयरको किनबेचबाट रु ३ अर्ब ६९ करोड १९ लाख ७२ हजार ८ सय १७ रुपैया १५ पैसाको कारोबार भएको छ ।

आज नेपाल स्टक एक्सचेञ्जमा वर्गीकृत १३ उपसमूह मध्ये अन्य समूहको उपसूचक ७.७५ अङ्कले बढेको छ भने बाँकी सबै समूहको उपसूचक घटेको छ ।

सबैभन्दा धेरै जीवन बीमा समूहको उपसूचक ५८.६३ र होटल तथा पर्यटन समूहको उपसूचक ४९.७१ अङ्कले घटेको नेप्सेले जनाएको छ ।

त्यस्तै बैंकिङ समूह ०.७९, विकास बैंक समूह २२.६२, वित्त समूह ३६.२५, जलविद्युत् समूह २७.३६ र लगानी समूह ०.१० अङ्कले घटेको छ । उत्पादन तथा प्रशोधन समूह ४१.९०, लघुवित्त समूह १६.५७, म्युचुअल फन्ड समूह ०.०७, निर्जीवन बीमा समूह २८.५४ र व्यापार समूह ११.५० अङ्कले घटेको छ ।

आज सबैभन्दा धेरै तेह्रथुम पावर कम्पनी लिमिटेडका लगानीकर्ताले प्रतिकित्ता तीन दशमलव ३२ प्रतिशतका दरले कमाएका छन् ।
अन्य शेयर मूल्य बढेका कम्पनीहरुमा धौलागिरि लघुवित्त,राँधी हाइड्रोपावर, प्राइम लाइफ इन्स्योरेन्स, सबैको लघुवित्त वित्तीय संस्था, एनआईसी एशिया फ्लेक्सी क्याप, ड.ादी, नेपाल बैंक लिमिटेड, जोशी पावर र सिटिजन्स म्युचुअल फण्ड २ रहेका छन् ।

यस दिन शेयरको मूल्य सबैभन्दा धेरै घटेका कम्पनीहरुमा आदर्श लघुवित्त वित्तीय संस्था लिमिटेड, पोखरा फाइनान्स लिमिटेड, ग्रीन भञ्चर्स,राष्ट्रउत्थान लघुवित्त, हिमालयन पावर पार्टनर,मन्दाकिनी हाइड्रो,सेन्ट्रल फाइनान्स, आईसीएफसी, युनियन हाइड्रो र माउन्टेन हाइड्रोपावर रहेका छन् ।

यस दिन सर्बाधिक रकमको कारोबार नेपाल पुनर्बीमा कम्पनीले गरेको छ । उसले रु ११ करोड २८ लाख ६८ हजार २ सय ७१ रुपैया बराबरको शेयर किनबेच भएको छ । अधिक कारोबार हुने अन्य कम्पनीहरुमा अपि पावर,ड.ादी ग्रुप पावर लिमिटेड, एनआईसी एशिया बैंक,शिभम् सिमेण्टस्, एभरेष्ट बैक लिमिटेड, नेशनल हाइड्रो पावर कम्पनी, जलविद्युत लगानी तथा विकास कम्पनी, तारा गाउँ रिजेन्सी होटल र राँधी हाइड्रोपावर रहेका छन् ।