ड्याल्लास(टेक्सास,संयुक्त राज्य अमेरिका), १४ जेठ । आईसीसी पुरुष टी २० विश्वकप अन्तरगत आजदेखि सुरु भएको औपचारिक वार्मअप खेलमा नेपाल र क्यानडाबीच प्रतिस्पर्धा सुरु भएको छ ।
संयुक्त राज्य अमेरिकाको ड्याल्लासमा भैरहेको खेलमा नेपालले टस जितेर फिल्डिड. रोजेको छ ।
तर फिल्डिड. रोजेको नेपाललाई टस हारेको क्यानडाले सुरुदेखि पेल्न थालेको छ ।
क्यानडाले १२ औं ओभरको अन्त्यमा दुई विकेटको क्षतिमा १ सय १ रन बनाएको छ ।
नेपालका करन के.सीले २.४ ओभरमा क्यानडाका ओपनर आरुण जोन्सनको विकेट लिएका छन् । करनले १० रन बनाएका उनलाई पेभिलियनको बाटो देखाए ।
दोस्रो विकेट लिन नेपाललाई निकै मुस्किल पर्यो । ९.५ ओभरमा गुलशन झाले क्यानडाका नवनित धारीवाललाई ३२ रन बनाएको अवस्थामा आउट गरे ।
आजको प्लेइड. ११ मा रोहित पौडेल,आशिफ शेख,कुशल भूर्तेल, अनिल साह,कुशल मल्ल,करन के.सी,गुलशन झा,सोमपाल कामी,सन्दीप जोरा,अबिनास बोहोरा र सागर ढकाल रहेका छन् ।
