काठमाडौं, १२ कार्तिक । अपि पावर कम्पनीको साधारण सभा आज कार्तिक ११ गते सम्पन्न भएको छ।

गौशालाको होटल क्रिष्टल पशुपतिमा आइतबार बसेको साधारणसभाले आर्थिक वर्ष २०८०।०८१ को वार्षिक प्रतिवेदन प्रस्तुत छलफल गर्दै पारित गरेको छ।

वार्षिक प्रतिवेदनको छलफल गर्दा अपि पावर कम्पनीको संस्थापक अध्यक्ष देखि अहिलेका प्राविधिक विश्लेषण हेर्दै लगानी गरिरहेका सेयरधनीले भाग लिएका थिए। सभाले लेखापरिक्षकको प्रतिवेदन सहित आर्थिक वर्ष २०८० / ०८१ को वासलात, नाफा नोक्सान हिसाब र नगद प्रवाह लगायतका वित्तिय विवरणहरुलाई सेयरधनीहरु सामु छलफल गर्दै पारित गरेको हो।

सभाले विशेष प्रस्तावको रुपमा कम्पनीको आर्थिक वर्ष २०८०।०८१ सम्मको जगेडा कोष तथा सेयर प्रिमियम बाट प्राप्त मुनाफाबाट ५ प्रतिशत बोनश शेयर र कर प्रयोजनको ०.२६३२ प्रतिशत नगद लाभांश वितरण गर्ने प्रस्ताव पारित गरेको छ।साथै यस अगाडि घोषणा भएको ९.५१३५ प्रतिशतबाट बाँकी रहेको ४.२५०३ प्रतिशतले हुने रकम कम्पनीको जगेडा कोष कायम रहने पनि कम्पनीका अध्यक्ष सिर्जना खड्काले सभालाई जानकारी गराउनुभयो।

यस बाहेक सभाले लेखापरिक्षकको नियुक्ति तथा निजको पारिश्रमिक निर्धारण पनि गरेको छ।

सभाले सहायक कम्पनी अपि इन्फ्रा लिमिटेड कम्पनीमा १०० प्रतिशत सेयर स्वामित्व रहने गरी अपि पावरले लगानी गर्ने प्रस्ताव पारित गरेको छ । उक्त कम्पनीले ललितपुरको झम्सिखेलमा अवस्थित ४३ इकाई सहितको ९ तल्ले आवासीय भवन  बनाउन कार्य अगाडि बढाइसकेको छ।

यस बाहेक अपि पावरको बहुमत शेयर स्वामित्व रहने गरी लटिनाथ पावर कम्पनी लिमिटेड कम्पनीमा लगानी गर्ने र ९.७ मेवा न्वागाड साना जलविद्युत आयोजना निर्माण गर्ने प्रस्ताव पनि सभाले  पारित गरेको छ।

तेस्तै ,अपि पावर कम्पनी लिमिटेडले  सुदुर पश्चिम प्रदेशमा रहेको  दार्चुला पावर कम्पनी लिमिटेड कम्पनीमा लगानी गरी मध्य चमेलिया जलविद्युत आयोजना २८. ३ मे.वा निर्माण गर्ने प्रस्ताव पनि सभाबाट अनुमोदन गराएको छ।

यस बाहेक अपिको बहुमत लगानी रहेको सुर्यकुण्ड हाइड्रो इलेक्ट्रिक लिमिटेड कम्पनीमा लगानी गरि माथिल्लो तादी खोला जलविद्युत आयोजना(११ मे.वा.) को निर्माण अन्तिम चरणमा रहेको र उक्त लगानी अनुमोदन गर्ने प्रस्ताव सभाले अनुमोदन गरिसकेको छ। सुर्यकुण्ड हाइड्रो इलेक्ट्रिक लिमिटेडले सर्वसाधारणमा आईपीओ निष्काशन गर्न नेपाल धितोपत्र बोर्डमा आवेदन दिसकेको  छ।

तेस्तै,कम्पनीले सर्वसाधारण सेयरधनीबाट तीन जना सञ्चालकमा मधुसुदन कोइराला, संजिव न्यौपाने र द्धारिका न्यौपाने नियुक्त हुनुभएको छ भने महिला सञ्चालकमा सिर्जना खड्का ।

कम्पनीले सभा प्रयोजनका लागि कम्पनीको कार्तिक २ गते एक दिनका लागि सेयरको दर्ता किताब बन्द गरेको थियो।  अर्थात आज कार्तिक १ गते सम्म नेप्सेमा कारोबार भइ कायम रहेका सेयरधनीले मात्र ् कम्पनीले घोषणा गरेको लाभांश प्राप्त गर्नेछन्।