ड्याल्लास( टेक्सास, संयुक्त राज्य अमेरिका), कार्तिक १७ । आईसीसी विश्वकप लिग २ छनोट अन्तरगतको अमेरिकामा भैरहेको त्रिकोणात्मक ऋृखलाको आजको खेलमा नेपालले टस जितेर पहिले फिल्डिड. गर्ने निर्णय लिएको छ ।

टेक्सासको ड्याल्लासस्थित ग्राण्ड प्रेरी क्रिकेट रंगशालामा भैरहेको खेलमा नेपालका कप्तान रोहित पौडेलले टस जितेर पहिला फिल्डिङ गर्ने निर्णय लिएका हुन् ।

अहिले खेल १५ औ ओभरको समाप्तिमा ७१ । २ मा पुगेको छ । नेपालका लागि दोस्रो विकेट सन्दीप लामिछानेले लिएका हुन् । उनले ११.६ ओभरमा आरोन जोन्सको विकेट लिएका हुन् । यस अगाडि नेपाललाई पहिलो सफलता गुल्शन झाले दिएका थिए । उनले ६.१ ओभरमा सायन जहाँगिरको विकेट लिएका थिए ।

नेपाल पहिलो खेलमा अमेरिकासँग ३ विकेटले पराजित भएको थियो । दोस्रो खेलमा नेपालले स्कटल्यान्डलाई ५ विकेटले हराएको थियो । नेपालले आजको खेलमा प्लेइङ ११ मा कुनै परिवर्तन गरेको छैन ।

नेपाल रोहित पौडेलको कप्तानीमा मैदानमा उत्रेको छ । नेपाली टिममा आसिफ शेख, अनिल साह, कुशल भुर्तेल, कुशल मल्ल, आरिफ शेख, दीपेन्द्रसिंह ऐरी, गुल्सन झा, करण केसी, सोमपाल कामी र सन्दीप लामिछाने रहेका छन् ।