ड्याल्लास(संयुक्त राज्य अमेरिका), २० कार्तिक । आईसीसी विश्वकप लिग २ अन्तरगत आज निर्धारित नेपाल र स्कटल्यान्डबीचको खेल रद्द भएको छ ।
अमेरिकाको ड्याल्लासस्थित ग्राउण्ड प्रेरी क्रिकेट रंगशाला टस हारेर पहिला ब्याटिङ गरेको नेपालले ६ ओभरमा १ विकेट गुमाउँदै २६ रन बनाएको अवस्थामा खेल रोकिएको थियो ।
राष्ट्रिय मौसम विभागका अनुसार अमेरिकी समय दिउँसो १ देखि ४ बजेसम्म आधिहुरीको सम्भावना छ । जसको कारण खेल स्थगित भएको हो । योसँगै दुवै टोलीले १(१ अंक बाँडेका छन् ।
नेपाल १२ खेलमा २ मा जित, ८ मा हार र २ खेल रद्द हुँदा ६ अंकका साथ सातौं स्थानमा छ । नेपालले अव लिग २ मा २०२५ मे मा स्कटल्यान्डमा गएर खेल्नेछ । उक्त सिरिजमा नेपाल र स्कटल्यान्डबीच प्रतिस्पर्धा हुनेछ ।
लिग २ अन्तरगत हालसम्म सम्पन्न १२ खेलमा अमेरिका र क्यानडा ८ । ८ जित र ४ । ४ हारसहित पहिलो र दोस्रो स्थानमा छन् । दुवैले १६ अंक बुटुलेका छन् । स्कटल्याण्ड ११ खेलमा ६ जित र ३ हारसहित १४ अंक लिएर तेस्रो स्थान ओगटेको छ । नेदरल्याण्ड ९ खेलमा ६ जित र ३ हार सहित १२ अंक बटुलेर चौथो बनेको छ । नामिबियाले हालसम्म खेलेको १२ खेलमा ५ जित र ७ हार व्यहोरेको छ । उसले १० अंक लिएर पाँचौ स्थान पक्का गरेको छ । ओमानले ९ खेलमा तीन जित र ४ हार व्यहोर्दै ८ अंक आसिल गरेको छ । उसले छैठौ स्थान ओगटेको छ । नेपालले १२ खेलमा २ जित र ८ हार ब्यहोरेको छ । उ ६ अंकसहित सातौं स्थानमा छ । ९ खेलमा २ जित र ७ हार व्यहोरेको संयुक्त अरब इमिरेट्स(युएई) ४ अंकसहित अंकतालिकाको आठौं तथा पुछारमा रहेको छ ।
