काठमाडौं, ५ साउन । नेपाल तरुणदलको आयोजनामा आज माइतीघरमण्डलाबाट आरम्भ भएको सरकार विरोधी प्रदर्शनमा दर्जनौ प्रदर्शनकारीहरु घाइते भएका छन् ।
https://www.facebook.com/sabin.dhamala/videos/1988911494466377/
तरुण दलले दिएको जानकारी अनुसार प्रदर्शनका क्रममा अग्र पक्तिमा रहेका तरुणदलका अध्यक्ष जितजंग बस्नेत पत्रकार अजयबाबु शिवाकोटी लगायत घाइते भएको छन् ।
घाइतेहरुको बानेश्वरस्थित सिभिल अस्पतालमा उपचार भैरहेको छ ।
प्रदर्शनकारीहरुको जुलुस बानेश्वरको निषेधित क्षेत्रमा प्रवेश गरेपछि प्रहरीले लाठी चार्ज र अश्रग्यास प्रहार गरेको थियो ।
त्यसको विरुद्धमा प्रदर्शनकारीले ढुंगामुडा बर्साउदा केही प्रहरी अधिकारी पनि घाइते भएको बताइएको छ ।
स्थिति सामान्य भएपछि प्रदर्शनकारीहरुले शान्तिपूर्ण रुपमा कोणसभा गरी प्रदर्शन विर्सजन गरेका थिए ।
