दुबाई(संयुक्त अरब इमिरेट्स), १२ माघ । युएई भ्रमणमा रहेको नेपाली राष्टिय टीमले भ्रमणको दोस्रो खेलमा चमत्कारिक सुधार गरेको छ ।
टस जितेर ब्याटिड. रोजेको नेपालले निर्धारित ५० ओभरको खेलमा ९ विकेट गुमाएर २४२ रनको योगफल तयार पार्यो र प्रतिस्पर्धी युएईको सामु २४३ रनको लक्ष्य प्रस्तुत गर्यो ।
नेपालले शुक्रबार युएई भ्रमण श्रृखला अन्तरगतको पहिलो खेलमा ११३ रन मात्र जोडेको थियो ।
शनिवारको खेलमा पहिलो विकेटका लागि ज्ञानेन्द्र मल्ल र विनोद भण्डारीले ६१ रनको साझेदारी गरे । विनोद भण्डारी २१ रन बनाउँदै आउट भए । त्यसपछि क्रिजमा आएका पारस खड्का, दिपेन्द्र सिंह ऐरी र पवन सर्राफले भने राम्रो खेल्न सकेनन् । पारसले २१ रन बनाए भने दिपेन्द्रले १० र पवनले ८ रन जोडे ।
त्यसपछि क्रिजमा आएका आरिफ शेख र रोहित कुमार पौडेलले नेपालको योगफलमा उत्कृष्ट योगदान गरे । उनीहरुले ८२ रनको पार्टनरसिप गरेपछि नेपाल बलियो स्थितीमा पुगेको थियो । आरिफ शेख २९ रन बनाएर आउट हुँदा नेपालले १९५ रन बनाएको थियो । त्यसपछि रोहित कुमार पौडेलले करियरकै पहिलो एक दिवसीय अर्धशतक बनाए ।
उनी अन्तर्राष्ट्रिय एक दिवसीयमा सबैभन्दा कम उमेरमा अर्धशतक बनाउने खेलाडी समेत बने । रोहितले ५५ रनको योगदान दिएर आउट भए । त्यसपछि करण केसीले ११ बलमा एक चौका र दुई छक्का प्रहार गर्दै १८ रन बनाए । अन्तिममा सन्दिप लामिछानेले पनि १० बलमा १४ रन जोडे ।
बलिङ तर्फ अमिर हयात र इमरान हैदरले ३,३ विकेट लिए भने मोहम्मद नाभिद, जहुर खान र अश्फाक अहमेदले १ ।१ विकेट लिए ।
| BOWLING | O | M | R | W | ECON | 0s | 4s | 6s | WD | NB | |
|---|---|---|---|---|---|---|---|---|---|---|---|
| Mohammad Naveed | 10 | 1 | 56 | 1 | 5.60 | 33 | 7 | 0 | 2 | 0 | |
| Zahoor Khan | 10 | 2 | 42 | 1 | 4.20 | 38 | 6 | 0 | 1 | 0 | |
| Amir Hayat | 10 | 1 | 41 | 3 | 4.10 | 40 | 1 | 2 | 4 | 0 | |
| Ashfaq Ahmed | 10 | 1 | 44 | 1 | 4.40 | 33 | 4 | 0 | 0 | 0 | |
| Imran Haider | 10 | 0 | 54 | 3 | 5.40 | 30 | 3 | 0 | 4 | 1 |
