कराँची(पाकिस्तान), २५ फागुन । पाकिस्तानको चर्चित घरेलु लिग प्रतियोगिता पाकिस्तान सुपर लिग अन्तरगतको २७ औं खेलमा नेपाली क्रिकेट स्टार सन्दीप लामिछाने आबद्ध लाहोर क्वालान्दर्सले इस्लामावाद युनाइँटेडसंग प्रतिस्पर्धा गर्दैछ ।

लिग अन्तरगत पाकिस्तानी शहरका हुन लागेको यो पहिलो खेल साँझ ७ : ४५ मा सुरु हुनेछ ।

पाकिस्तान युनाइटेडका लागि यो १० औं खेल हो । उसले हालसम्मका ९ वटा खेलमा ४ मा जित र ५ मा हार व्यहोर्दै ८ अंक बटुलेको छ । ऊ अंक तालिकाको तेस्रो स्थानमा छ ।

यता नेपाली खेलाडी सन्दीप आबद्ध लाहोर क्वालन्दर्सका लागि भने यो नवौं खेल हुनेछ । उसले हालसम्मका ८ वटा खेलमा ३ मा जित र ५ मा हार व्यहोर्दै ६ अंक बटुुलेको छ । ऊ अंक तालिकाको पाँचौ स्थानमा छ ।

पछिल्ला ५ खेलमा दुवैको अवस्था बराबरीको रहेको छ ।

यसै संस्करणको पहिलो भेटमा इस्लामावाद युनाइटेडले लाहोर क्वालान्दर्सलाई ५ विकेटले पराजित गरेको थियो । २०१७ को प्रतियोगितामा दुवै खेल लाहोरले जितेको थियो भने २०१८ को संस्करणमा एक खेल इस्लामावादले जित्यो र अर्को खेल बराबरीमा पुग्यो । एक ओभरको इलिमिनेटर खेलमा इस्लामावादले जित्यो ।

खेलको अर्को चरणमा पुग्नका लागि सन्दीपको लाहोर क्वालान्दर्सलाई आजको खेल जित्नै पर्ने दवाव छ ।

यो खेल जितेमा ऊ तेस्रो वा चौथो स्थानमा उक्लिने छ ।

त्यसपछि मुल्तान सुल्तानसंग हुने खेलमा पनि बिजय निकाल्यो भने उसको अर्को चरण प्रवेश सुनिश्चित हुनेछ ।

अघिल्लो खेलमा विकेटबिहिन बन्न पुगेका सन्दीपको आजको प्रदर्शनलाई सबैले निकै उत्साहपूर्वक हेरेका छन् ।

अष्ट्र्ेलियाको विग ब्यास लिगमा पनि सन्दीप लिग चरणको दोस्रो अन्तिम खेलमा विकेटबिहिन बने र त्यसपछिको खेलमा उनले ३ विकेट लिए र उनकै बलमा मेलबर्न स्टार सेमिफाइनलमा पुग्यो र फाइनलसम्मको यात्रा तय गर्यो ।