काठमाडौं, १२ पौष । राष्ट्रियसभा निर्वाचन सम्बन्धी अध्यादेश जारी गर्ने विवाद अदालत प्रवेश गरेको छ ।
अधिवक्ता यज्ञमणि न्यौपानले प्रदेश तथा प्रतिनिधिसभा सदस्य निर्वाचनपछि बढेको राजनीतिक अन्यौल संविधानअनुसार खुलाउन माग गर्दै बुधबार सर्वोच्च अदालतमा रिट दायर गरेका छन् ।
अधिवक्ता न्यौपानेले राष्ट्रपति, प्रधानमन्त्री, निर्वाचन आयोग , एमाले, माओवादी र कांग्रेसलाई विपक्षी बनाएर रिट पेश गरेका हुन् ।
आफ्नो रिट आजै २ बजे दर्ताका लागि सर्वोच्चले बोलाएको न्यौपानेले बताएका छन् ।
उनले आफ्नो रिटमा राष्ट्रियसभा निर्वाचन सम्बन्धी अध्यादेश राष्ट्रपतिले पारित गर्नुपर्ने, अविलम्ब प्रदेश प्रमुखको नियुक्ति गर्नुपर्ने, अध्यदेश पारित नभई प्रतिनिधिसभासदस्य निर्वाचनको समानुपातिक तर्फको नतिजा सार्वजनिक गर्न नहुने, समानुपातिकको नतिजा सार्वजनिक नभई नयाँ प्रधानमन्त्री नियुक्ति गर्ने गराउने कार्य गर्न नहुने भन्दै प्रधानमन्त्रीको कार्यालय र राष्ट्रपतिको कार्यलयलाई प्रतिषेधको आदेश जारी गरीपाउनका लागि माग गरेका छन् ।
