काठमाडौं, १५ पौष । १६ औं राष्ट्रिय महिला लिग फुटबल प्रतियोगिता पुस १६ गतेदेखि ललितपुर सातदोबाटोस्थित एन्फा कम्प्लेक्सको खेल मैदानमा हुने भएको छ ।
सार्वजनिक खेलतालिका अनुसार पुस १६ गते आइतबार उदघाट्न खेल नेपाल पुलिस क्लब र मध्यमाञ्चल क्षेत्रीय टिमको बीचमा हुनेछ भने दोस्रो खेलमा पूर्वाञ्चल क्षेत्रीय टिमले सुदुरपश्चिमाञ्चल क्षेत्रीय टिमको सामना गर्नेछ ।
सहभागी आठ टोलीलाई दुई समूहमा विभाजन गरिएको छ । जसअन्तरगत समूह क मा नेपाल पुलिस क्लब, पूर्वाञ्चल क्षेत्रीय टिम, सुदुरपश्चिमाञ्चल क्षेत्रीय टिम र मध्यमाञ्चल क्षेत्रीय टिम छन् भने समूह ख मा त्रिभुवन आर्मी क्लब, नेपाल एपीएफ टिम, मध्यपश्चिमाञ्चाल क्षेत्रीय टिम र पश्चिमाञ्चल क्षेत्रीय टिम रहेका छन् ।
प्रतियोगिताको फाइनल खेल पुस २७ गते निर्धारित गरिएको छ ।
