मुम्बई(महाराष्ट्,भारत),२८ चैत्र । भारतीय क्रिकेटको चर्चित घरेलु लिग इण्डियन प्रिमियर लिगको २४ औं खेलमा एक समय निराशाबाट गुज्रेको मुम्बई इन्डियन्सले जितको लागि निर्धक्क भएको किङ्स् इलाभेन पन्जाबको जित खोसेको छ ।
बुधबार राति भएको रोमाञ्चक खेलमा पञ्जाबलाई ३ विकेटले हराउदै मुम्बई इण्डियन्सले जित निकालेको हो ।
मुम्बईको वान्खडे क्रिकेट स्टेडियममा टस हारेर पहिले ब्याटिङ गरेको पन्जाबले निर्धारित २० ओभरको खेलमा ४ विकेटको क्षतिमा १ सय ९७ रन बनाएको थियो ।
पञ्जाबले दिएको १ सय ९८ रनको उच्च लक्ष्य मुम्बईले निर्धारित २० ओभरमा ७ विकेटको क्षतिमा हासिल गर्यो । मुम्बईको जितमा कप्तान केरोड. पोलार्डले अर्धशतकीय इनिङ्स खेले ।
Mumbai Indians: Quinton de Kock, Suryakumar, Siddhesh Lad, Krunal Pandya, Ishan Kishan, Hardik Pandya, Kieron Pollard (c), Rahul Chahar, Alzarri Joseph, Jason Behrendorff, Jasprit Bumrah
King’s XI: Chris Gayle, KL Rahul, Karun Nair, Mandeep Singh, Sarfaraz Khan, David Miller, Sam Curran, Hardus Viljoen, R Ashwin (c), Ankit Rajpoot, Mohammed Shami
विस्फोटक ब्याटिङ गरेका पोलार्डले ८३ रन बनाए । १० औं ओभरमा ब्याट सम्हालेका पोलार्डले सातौं विकेटको रुपमा २० औं ओभरको दोस्रो बलमा आउट हुनुअघि ३१ बलमा १० छक्का र ३ चौका प्रहार गर्दै ८३ रनको योगदान दिएर मुम्बईको जितको आधार तय गराएका थिए ।उनको धैर्यतापूर्ण र रणनीतिक ब्याटिड.ले मुम्बईले अनपेक्षित जित निकाल्न सकेको हो ।
यस्तै क्विनटन डी ककले २४ रन जोड्दा सूूर्यकुमार यादवले २१ रन बनाए । त्यस्तै हार्दिक पाण्डया १९ रनमा आउट हुँदा सिद्देश लाड र अल्जारी जोसेफले समान १५ । १५ रन बनाए । इशान कृष्णले ७,केआर पाण्डेय र आरडी चहारले समान एक एक रनको योगदान दिए ।
मुम्बईको इनिड.मा पञ्जाबका लागि मोहमद शामीले ३ ,साम कुरान, एस राजपूत र आर आश्विनले समान एक एक विकेट लिए ।
यस अगाडि टस हारेर ब्याटिड.को निम्तो पाएको पञ्जाबकोलागि लोकेश राहुलले शतकीय इनिङ्स खेलेपनि टोलीलाई जित दिलाउन सकेनन् ।
ओपनर राहुलले अविजित रहदै १०० रनको योगदान दिए । यस्तै क्रिस गेलले अर्धशतकीय इनिङ्स खेले । गेल ६३ रनमा आउट भए । साम कुरान ८, मन्दीप सिंह तथा डीए मुलरले समान ७ । ७ र केके नायरले ५ रनको योगदान दिए
मुम्बईका हार्दिक पाण्डेयले २, जेजे बुमराह र जेपी बेहरेनडर्फले समान एक एक विकेट लिए ।
जितसंगै मुम्बईले ६ खेलबाट ८ अंक जोडेको छ । र, मुम्बई तेस्रो स्थानमा उक्लिएको छ ।
पञ्जाबले ७ खेलबाट ८ अंक नै जोडेको छ । पञ्जाब चौंथो स्थानमा छ ।
