काठमाडौं, १३ आषाढ । प्रमुख प्रतिपक्ष दल नेपाली कांग्रेसका सभापति शेरबहादुर देउवाले लोकतन्त्रमाथि प्रहार गरिरहे सरकार ढालिदिने चेतावनी दिनुभएको छ।
सभापति देउवाले प्रेस स्वतन्त्रता, अभिव्यक्ति स्वतन्त्रतामाथि नै प्रहार हुने गरी सरकारले ल्याएको विधेयक कुनै पनि हालत पारित हुन नदिने अडान पनि दोहोर्याउदै भन्नुभयो, लोकतन्त्रको लागि राणा ढालेको कांग्रेसले पञ्चायतलाई ढाल्यो, राजतन्त्रलाई ढाल्यो भने केपी ओली नेतृत्वको सरकारलाई ढाल्न कुनै समस्या हुनेछैन ।
शुक्रबार कांग्रेससंग वैचारिक निकटता राख्ने स्थानीय तहका कर्मचारीले काठमाडौंमा आयोजना गरेको एक कार्यक्रममा बोल्दै सभापति देउवाले पार्टी निकट कर्मचारीहरुलाई सरकारले धेरै दुःख दिने गरेकोमा चर्को आलोचना गर्नुभयो ।
त्यस अवसरमा उहाँले वर्षौदेखि स्थानीय तहमा काम गर्दै आएका अस्थायी कर्मचारीलाई स्वतः स्थायी नगरे सरकारविरुद्ध कडा आन्दोलनमा जान बाध्य हुने चेतानवी दिनुभयो।
कार्यक्रममा बोल्दै कांग्रेसका वरिष्ठ नेता रामचन्द्र पौडेलले वाईडबडी विमान काण्डमा संसदीय समितिले भ्रष्टाचार ठहर गरिसकेपछि पनि दोषीमाथि कडा कार्वाही गर्न नसकेकोमा सरकार भ्रष्टाचारीको नाइके भएको बताउनुभयो ।उहाँले भ्रष्टाचार नियन्त्रण गर्न नसकेकै कारण मुलुक संकटतर्उन्मुख भएको उल्लेख गर्दै त्यसलाई नियन्त्रण गर्न तत्काल ठोस कदम चाल्न पनि सरकारलाई सचेत गराउनुभो ।
नेता पौडेलले राजनीतिक पूर्वाग्रह साँधेर कर्मचारीमाथि भेदभावको नीति नलिन पनि सरकारलाई सचेत गराउनुभएको थियो ।
