लण्डन(संयुक्त अधिराज्य), ४ कार्तिक । नेपाली क्रिकेट स्टार सन्दीप लामिछाने यूकेमा हुने द हन्ड्रेड क्रिकेट खेल्न छनौट भएका छन् ।

उनलाई ओभल इन्भेन्सिबलले आफ्नो टीममा दोस्रो राउण्डबाट लिएको हो ।

यो राउण्डमा चयन भएका खेलाडीको पारिश्रमिक १ लाख पाउण्ड तय गरिएको छ ।

पहिलो राउण्डमा चयन भएका खेलाडीको पारिश्रमिक १ लाख २५ हजार पाउण्ड रहेको थियो ।

सन्दीपले प्राप्त गरेको मूल्य वर्तमान विनिमय दरको आधारमा १ करोड ४७ लाख रुपैया जति हुन आउछ ।

प्रतियोगिता सन् २०२० को १७ जुलाई देखि १६ अगष्टसम्म हुनेछ ।