काठमाडौं,७ कार्तिक । नेपाली राष्ट्रिय क्रिकेट टिमको कप्तानीबाट राजिनामा दिएका अलराउन्डर खेलाडी पारस खड्कालाई टी–१० लिगमा छनौट भएका छन्।
उनी टी १० लिगको प्रतिस्पर्धामा रहेको टिम अबुधावीमा आबद्ध भएका हुन्। उनीले १० हजार अमेरिकी डलर (करिब ११ लाख नेपाली रुपैयाँ) पारिश्रमिकमा सो टिममा आबद्ध भएका हुन् ।
पारस आबद्ध टिममा इंग्ल्यान्डका अलराउन्डर मोइन अली पाकिस्तानका तीव्र गतिका बलर मोहमद अमीर, न्युजिल्यान्डका कोरी एन्डरसन, श्रीलंकाका निरोशन डिकवेला, युएईका रोहान मुस्ताफा लगायतका खेलाडी छन्।
टी १० मा नेपालका क्रिकेट स्टार सन्दीप लामिछाने कर्नाटकामा आबद्ध भैसकेका छन्। यस सिजन कर्नाटकामा ४५ हजार डलरमा आबद्ध भएका सन्दीप गत सिजनको टी–१० लिग केरला किङ्सबाट खेल्दा ३० हजार अमेरिकी डलर पारिश्रमिक पाएका थिए ।
प्रतियोगिता आगामी नोभेम्बर १५ देखि २४ सम्म युएई अबुधावीको शेख जायद क्रिकेट रंगशालामा हुनेछ।
१० ओभरको हुने खेल ९० मिनेट भित्रमा सकिनेछ।
लिगमा कर्नाटका, टिम अबुधावी, मारथा अरबीयन्स, बेंग्ला टाइगर्स, डेकन ग्लाडिएटर्स, क्वालन्दर्स, दिल्ली बुल्स र नर्दन वारियर्सले प्रतिस्पर्धा गर्नेछन्।
