काठमाडौं,१९ कार्तिक । बलिउड अभिनेता गोविन्दा काठमाडौंमा आउनुभएको छ ।
कात्तिक २१ गतेबाट वीरगञ्जमा आयोजना हुन लागेको ‘नेपाल चलचित्र स्वर्णिम महोत्सव’ मा सहभागी हुन उहाँ पत्नी सुनिता आहुजासहित आज काठमाडौं आइपुग्नुभएको हो ।
नेपाली भूमि टेकेपछि त्रिभुवन अन्तराष्ट्रिय विमानस्थलको आगमन कक्षमा बडिउडका रोमान्टिक हिरो गोविन्दाले आफ्ना फिल्म हेर्ने सम्पूर्ण नेपालीहरुप्रति आभार समेत प्रकट गर्नुभएको छ ।
नेपाली चलचित्र स्वर्ण महोत्सव आयोजक चलचित्र निर्माता संघले उहाँलाई विशेष अतिथिका रुपमा आमन्त्रण गरेको हो ।
महोत्सव उद्घाटनका दिन गोविन्दाले आफ्नो प्रस्तुति समेत दिने संघले जनाएको छ ।
गोविन्दकी श्रीमती सुनिता नेपाली मूलकी हुनुहुन्छ । त्यसैले हस्यौलीमा गोविन्दाले नेपाललाई आफ्नो ससुराली देश भन्ने गर्नुहुन्छ।
महोत्सव राष्ट्रपति विद्यादेवी भण्डारीले उद्घाटन गर्ने कार्यक्रम छ ।
२४ गतेसम्म चल्ने महोत्सवमा नेपाली फिल्मका निर्माता, निर्देशक, कलाकारको उल्लेख्य सहभागिता रहनेछ ।
