लसएन्जेल्स् क्यालिफोर्निया(संयुक्त राज्य अमेरिका), ३ मंसिर(बीबीसी) । कमिकमा आधारित जोकर गएको साता संसारभरि एक अर्ब अमेरिकी डलरभन्दा बढी कमाउने पहिलो ‘आर’ श्रेणीको चलचित्र बनेको छ।

अमेरिकामा ‘आर’ श्रेणी वर्गीकरण भनेको १७ वर्षभन्दा कम उमेरका व्यक्तिले वयस्कसँग बसेर मात्रै हेर्न पाउने चलचित्र हो।

गएको साता कमाइको आधारमा जोकर अमेरिकामा सातौँ नम्बरमा रहेको छ। ३१ करोड डलर कमाएको फोर्ड भर्सेस फरारी भने पहिलो नम्बरमा रहेको छ।

यो महिनाको सुरुमा जोकर कमिकका आधारित चलचित्रमध्ये सबैभन्दा बढी कमाउने चलचित्र बनेको थियो।

जोकर चलचित्र चीनमा प्रदर्शन गरिएको छैन। चीनमा यौन वा हिंसा बढी भएका चलचित्रहरूको प्रदर्शनमा रोक लगाइने गरेको छ।

यसभन्दा अगाडि सबैभन्दा बढी कमाउने ‘आर’ श्रेणीमा चलचित्र सन् २०१८ डेडपुल-दुई रहेको थियो। उक्त चलचित्रले ७८ करोड ५० लाख डलर कमाएको थियो।

बक्स अफिस गुरुका संस्थापक सम्पादक गीतेश पान्ड्याले जोकरको उपलब्धिलाई आश्चर्यचकित बनाउने खालको भनेका छन्।

Today is the day that #Joker shatters the $1,000,000,000 mark at the global #boxoffice! Totals at the start of today were $317M domestic, $682.1M intl & $999.1M worldwide. Absolutely jaw-dropping achievement for an R-rated film with a moderate budget and no China release.

— Gitesh Pandya (@GiteshPandya) November 15, 2019

जोकरका निर्देशक टोड फिलिप्सले सो चलचित्र छ करोड २५ लाख डलरमा निर्माण गरेका थिए।

https://twitter.com/flowerlust333/status/1195160886371069952

सो चलचित्रले ओस्कार पुरस्कार जित्ने अनुमान पनि गरिएको छ। तर चलचित्रमा भएको मानसिक स्वास्थ्यको विषयलाई लिएर यसको आलोचना गर्नेहरू पनि छन्।