बाग्लुड.,१७ मंसिर । बागलुङको बडिगाड गाउँपालिका–७ भीमगिठेमा जीप दुर्घटना हुँदा १४ जनाको मृत्यु भएको छ ।
गुल्मीको ईश्माबाट बुर्तिबाङ आउँदै गरेको जीप दुर्घटनामा परेको परेको हो।
दुर्घटनामा ३ जना घाइते भएको र एक जना बेपत्ता भएको जिल्ला प्रहरी कार्यालय बागलुङले जनाएको छ।
गुल्मी ईस्माबाट बुर्तिवाङ तर्फ जाँदै गरेको ग १ ज ५२१९ नम्वरको जीप बडीगाड खोलामा खसेर दुर्घटना भएको जिल्ला प्रहरी कार्यालय बागलुङका सूचना अधिकारी प्रहरी नायव उपरीक्षक झविन्द भट्टराईले बताउनुभएको छ।
दुर्घटनामा ९ जना महिला ४ पुरुष एक बालक गरी १४ जनाको मृत्यु भएको हो।
दुर्घटनामा गम्भीर घाइते भएका ३ जनाको उद्धार गरी उपचारर्थ बुर्तिवाङ पठाइएको छ।
मृत्यु हुनेहरुमा निसीखोला गाउँपालिका २ देवीस्थान बायाँखोला कुल पूजाका लागि आउँदै गरेका यात्रुहरु परेका प्रहरीले जनाएको छ।
