काठमाडौं, १५ फागुन । पूर्वमन्त्री तथा नेकपा मालेका महासचिव सीपी मैनालीसहित परिवारका सदस्य चढेको जीप दुर्घटनामा पर्दा उहाँसहित पाँचजना घाइते भएका छन्।
महोत्तरीको बर्दिवासस्थित रातु पुलमा मैनालीको परिवार सवार बा४च २१२० नम्बरको कारलाई ना४ख ७६६८ नम्बरको पिकअप भ्यानले बिहीबार दिउँसो ठक्कर दिदा उक्त दुर्घटना भएको हो।
मैनालीको परिवार झापाबाट राजधानी आउदै थियो । कारमा छोरा सरोज, बुहारी पूजा, नाति पनि थिए । दुर्घटनामा चालक रामप्रसाद पौडेल घाइते छन्।
दुर्घटनामा घाइते हुनुभएका मैनालीसहित सबै जनाको जनसेवा अस्पताल बर्दिवासमा प्राथमिक उपचार भएको थियो।
प्रहरी नायब उपरीक्षक राजकुमार चापागाईंका अनुसार जनसेवा अस्पतालले थप उपचारका लागि काठमाडौं रिफर गरेको छ । काठमाडौंबाट सेनाको हेलिकोप्टर मगाएर उहाँहरुलाई थप उपचारको लागि काठमाडौं नै लगिने छ ।
मैनालीको टाउको र खुट्टामा चोट लागेको छ। तर अवस्था त्यति गम्भीर भने छैन् ।
