वाशिंटन डीसी(संयुक्त राज्य अमेरिका), १७ जेठ । अमेरिकी राष्ट्रपति डोनाल्ड डोनाल्ड ट्रम्पले आफ्नो देशले विश्व स्वास्थ्य संगठन(डब्ल्युएचओ) संगको सम्बन्ध शुक्रबारदेखि तोडिएको जानकारी दिनुभएको छ ।
ह्वाइट हाउसमा आयोजित पत्रकार सम्मेलनमा उहाँले कोरोना भाइरसको संक्रमण प्रारम्भमा नै रोक्न यो विश्व संगठन असफल रहेको आरोप लगाउनुभयो ।
संयुक्त राष्ट्र संघ अन्तरगतको यस संस्थामा जाने आर्थिक सहयोग ट्रम्प प्रशासनले पहिल्यै रोकेको थियो । अमेरिकी राष्ट्रपति ट्रम्पले आफ्नो देशमा कोरोनाको संक्रमण फैलिएदेखि नै विश्व स्वास्थ्य संगठन चीनको कठपुतली भएको आरोप लगाउदै आउनुभएको छ ।
शुक्रबारको पत्रकार सम्मेलनमा उहाँले भन्नुभयो, ‘विश्व स्वास्थ्य संगठनमा व्यापक सुधारको लागि अनुरोध गरिएको थियो तर सो संगठन यस्तो सुधार गर्न असमर्थ रह्यो । आजकै दिनदेखि हामीले यस संगठनसंगको सम्बन्ध तोड्ने निर्णय गरेका छौ ।’
अमेरिकी राष्ट्रपति ट्रम्पले विश्व स्वास्थ्य संगठनमा जाने अमेरिकी सहयोग विश्वको सार्वजनिक स्वास्थ्यमा आफ्ना निकायमार्फत परिचालन गरिने पनि बताउनुभएको छ । अमेरिकी राष्ट्रपति ट्रम्पले विश्व स्वास्थ्य संगठन पूर्णत चिनको नियन्त्रामा रहेको आरोप लगाउदै चीनले सो संगठनलाई दिने सहयोग आफ्नो देशको तुलनामा नगण्य भएको पनि बताउनु भयो ।
“We are today terminating our relationship with the World Health Organization”
US President Donald Trump says it will be “redirecting those funds to other worldwide and deserving urgent global public health needs”
https://t.co/clJXEKm7Bb pic.twitter.com/mLYz4rDXjE— BBC News (World) (@BBCWorld) May 29, 2020
अमरिकी राष्ट्रपति ट्रम्पले वितेका महिनामा विश्व स्वास्थ्य संगठनलाई ३० दिनभित्र संगठनको कार्यशैलीमा सन्तोषजनका सुधार नआएमा अमेरिकाले सो संगठनलाई दिने पुरै रकम स्थायी रुपमा रोकिदिने चेतावनी दिनुभएको थियो ।
अमेरिकी राष्ट्रपति ट्रम्पले विश्व स्वास्थ्य संगठनको गल्तिको मूल्य सारा विश्वले चुकाउनु परेका आरोप लगाउने सो संस्थालाइृ लेख्नुभएको पत्रमा चीन परस्त नीतिबाट मुक्त हुन अनुरोध गर्नुभएको थियो ।
राष्ट्रपति टम्पले चीनप्रति निशाना साँध्दै भन्नुभएको थियो, ‘सारा विश्व चीन सरकारको अपराधाको सजाँय भोगिररहेको छ । चीनले नै विश्वमा महामारी फैलायो र हामीले १ लाखभन्दाबढी अमेरिकी नागरिकको मृत्यु सहेर यसको मूल्य चुकाउनु परिरहेको छ ।’
