मुम्बई,महाराष्ट(भारत), १० माघ । नयाँ फिल्म ‘वेलकम टू न्यूयोर्क’ को ट्रेलर रिलिज भएको छ । यो एक कमेडी फिल्म हो, पञ्जाबी फिल्म इन्डस्ट्रीका सुपरस्टार दिलजीत दोसान्झ र बलिउड अभिनेत्री सोनाक्षी सिन्हा संगै करण जोहर, राणा दगुबती, रितेश देशमुख, बोमन ईरानी र लारा दत्ताको पनि मुख्य भूमिका छ ।
ट्रेलरमा बलिउड एक्टर सुशान्त सिंह राजपूत पनि देखिएका छन् । ‘वेलकम टू न्यूयोर्क’ यस वर्षको २२ फेव्रअरीमा रिलिज हुँदैछ । फिल्ममा करणले आफ्नो रियल भूमिका निर्वाहा गरेका छन् । लारा दत्ता त्यो म्यानेजमेन्ट कम्पनीकी प्रमुख हुन्छिन्, जसले ‘आइफा अवार्ड्स’ आयोजना गर्ने गर्दछ ।
ट्रेलरमा दिलजीत चुलबुले भूमिकामा देखिएका छन् । सोनाक्षी सिन्हाको फेशन डिजाइनरको भूमिकामा दिलजीतसँग केमेष्ट्री पनि सानदार देख्न सकिन्छ ।
चकरी टोलेती निर्देशित ‘वेलकम टू न्यूयोर्क’ खासमा हरेक वर्ष वितरण हुने आइफा अवार्ड्सको समयको कहानी हो । फिल्मका निर्माता वासु भगनानी हुन् ।
