काठमाडौं, २१ आषाढ । लकडाउन पछि पहिलोपल्ट नेपालको सेयर बजार दिनभर कारोबार भएको छ । यस अगाडि कहिले सकारात्मक सर्किट त कहिले नकारात्मक सर्किट लागेर कारोबार रोकिन पुगेको थियो ।

आइतबार सेयर बजार परिसूचक ९.३५ अंकले बढेर १२६५.४५ बिन्दुमा रोकिएको छ।

यस दिन १ सय ७२ कम्पनीको २८ लाख कित्ता ६ हजार ८ सय ९८ कित्ता सेयरको किनबेचबाट १ अर्ब ३ करोड ३३ लाख ९० हजार २ सय ३१ रुपैयाँको कारोबार भएको छ ।

कारोबार रकमको आधारमा आइतबार सूर्योदय लघुवित्त वित्तीय संस्था, जनउत्थान सामुदायिक लघुवित्त विकास बैंक, सिनर्जी पावर डेभलपमेन्ट, नेशनल हाइड्रो पावर कम्पनी,स्पर्श लघुवित्त , घोडीघोडा लघुवित्त, एनेपाल लाईफ इन्स्योरेन्स कम्पनी,प्रभु इन्स्योरेन्स,तारा गाउँ रिजेन्सी होटल र शिवम् सिमेन्टको सेयर मूल्य ४ प्रतिशतदेखि लगभग १० प्रतिशतले बढेको थियो ।

साल्ट ट्रेडिङ कर्पोरेशन र सेन्ट्रल फाइनान्सको कारोबारमा नकारात्मक सर्किट नै लागेको छ ।

यस्तै अपि पावर,जोशी हाइड्रो, बोटलर्स नेपाल तराई,स्वाबलम्बन लघुवित्त,मितेरी विकास बैंक,नेशनल माइक्रोफाइनान्स वित्तीय संस्था,सनराईज बैंक र गुराँस लघुवित्त वित्तीय संस्थाको सेयर मूल्य भने अघिल्लो दिनको कारोबार मूल्यका तुलनामा घटेको थियो ।