खाँदबारी (संखुवासभा),२८ आषाढ । विगत केही दिनदेखि परिरहेको अविरल वर्षाका कारण संखुवासभाका सिलिचोङ गाउँपालिकामा गएराति पहिरो जाँदा ११ जनाका बेपत्ता भएका छन् ।
जिल्ला प्रहरी कार्यालय, संखुवासभाले घटनास्थलमा सिलिचोङ प्रहरी कार्यालयबाट घटनास्थलमा टोली पठाएको छ ।
संखुवासभाका डीएसपी नवराज मल्लले बताए अनुसार सिलिचोड.मा गएको पहिरोले ८ वटा घर पुरेको छ ।
प्रहरी चौकीबाट घटनास्थलमा पुग्न करिब ४ घन्टा लाग्ने बताइएको छ । डीएसपी मल्लका अनुसार पहिरोले घर पुरेकोले मानिस बेपत्ता भएको खबर आएपछि सम्पूर्ण तयारी साथ उद्धार टोली पठाएको ३ घन्टा हुन लागेको छ ।
वर्षाका कारण खाँदबारीका विभिन्न ठाउँमा पनि पहिरो गएको छ ।
