काठमाडौं, ५ फागुन ।

काठमाडौं, ५ फागुन । नेपाली क्रिकेट जगतमा आदर्श खेलाडी एवम् राष्टिय टीमका कप्तान पारस खड्का नामिवियामा सम्पन्न विश्व क्रिकेट लिग डिभिजन २ को प्रतियोगितामा नेपाली टीमलाई उपविजेता बनाउदै विश्व कप छनौट खेलको सहभागिता सुनिश्चित गराएर नेपाली टीम लिएर आज फर्कदैछन् ।

नेपालको यस पटकको प्रदर्शन गर्व गर्न लायक रह्यो । यस खेलमा नेपाली टीमको हैसियत त बढ्यो नै कप्तान पारस खड्काले समेत नयाँ कीर्तिमान कायम गरे ।

डिभिजन-२ को फाइनलमा युएईसंग शतक बनाउदै पारस खड्का प्रतियोगिताकै सर्बाधिक रन बनाउने खेलाडी बने

रास्ट्रिय क्रिकेट टिमको लागि अन्तर्राष्ट्रिय क्रिकेटमा व्यक्तिगत तेश्रो शतक पुरा गर्ने क्रममा पारसले अविजित ११२ रन बनाए। १०३ बलको सामना गर्दै उनले ८ छक्का र ३ चौका प्रहार गरे। शतकीय इनिंग खेले पनि टिमलाई भने जितसम्म पुर्याउन सकेनन् र नेपाल ७ रनले युएईसंग पराजित हुन पुग्यो।

पारसले यस अघि बिश्व क्रिकेट लिग च्याम्पियनसिपको नामिबियासंग नेपालमै भएको खेलमा शतक ( १०३ रन ) बनाएका थिए। त्यस अघि उनले सन् २०१२ को एसीसी ट्रफीमा कुवेत बिरुद्ध शतक ( १०६ रन* ) बनाएका थिए।

पारसको शतक
पहिलो शतक – १०६* ( ७७ बल, ७ चौका र ४ छक्का ) – बिरुद्ध कुवेत, सन् २०१२ एसीसी ट्रफी
दोश्रो शतक – १०३ ( ९४ बल, ५ चौका, ७ छक्का ) – बिरुद्ध नामिबिया, सन् २०१६ बिश्व क्रिकेट लिग च्याम्पियनसिप
तेश्रो शतक – ११३ रन ( १०३ बल, ३ चौका ८ छक्का )

३ शतक बनाउने पहिलो नेपाली खेलाडी

युएईसंग ३ वटा शतक प्रहार गर्दै पारस ३ वटा शतक बनाउने पहिलो नेपाली खेलाडी बनेका छन्। यस भन्दा अघि रास्ट्रिय टिमको लागि अन्तर्राष्ट्रिय क्रिकेटमा पारससंगै अनिल मण्डलले २/२ वटा शतक बनाएका थिए। रास्ट्रिय टिमको लागि एकदिवसीय क्रिकेटमा राजु खड्का, शक्ति गौचन, शरद भेसावकर, सुबास खकुरेल, ज्ञानेन्द्र मल्लले एउटा शतक प्रहार प्रहार गरेका छन्।

लिस्ट ‘ए’ मा नेपालको लागि सर्बाधिक रन

युएईसंग लिस्ट ‘ए’ करियरको दोश्रो शतक प्रहार गर्ने क्रममा पारसको लिस्ट ‘ए’ मा कुल रन ९५१ पुगेको छ जुन नेपाली खेलाडीहरुले बनाएको सबैभन्दा धेरै रन हो भने उनि ९०० रन पुरा गर्ने पहिलो नेपाली ब्याट्सम्यान समेत हुन्। पारसले कुल २८ खेलमा ३५.२२ को औसतले उक्त रन बनाएका हुन्। पारस पछि लिस्ट ‘ए’ मा नेपालको लागि धेरै रन बनाउने खेलाडी ज्ञानेन्द्र मल्ल हुन् जसले ३१ खेलमा कुल ८३१ रन बनाएका छन्। तेश्रो नम्बरमा शरद भेसावकरले ३० खेलमा ७८५ रन तथा चौथो स्थानमा बिनोद भण्डारीले २१ खेलमा ३९६ रन बनाएका छन्।

डिभिजन-२,२०१८ को सर्बाधिक रन बनाउने ब्याट्सम्यान

डिभिजन-२ को फाइनलमा शतकले पारस प्रतियोगितामै धेरै रन बनाउने खेलाडी समेत बने। ६ खेलमा उनले ४८.२ को औसतमा २४१ रन बनाए। युएईका अश्फाक अहमद २३७ रन सहित सुचीको दोश्रो स्थानमा तथा नामिबियाका मर्वे इरास्मस २२९ रन सहित तेश्रो स्थानमा रहे। प्रतियोगितामा नेपालको लागि दोश्रो धेरै रन रोहित पौडेलले बनाए। डेब्यु प्रतियोगितामा पौडेलले ६ खेलमा १४० रन बनाए।

डिभिजन-२ मा पारसको प्रदर्शन –
१९ रन बिरुद्ध नामिबिया
१७ रन बिरुद्ध ओमान
५१ रन बिरुद्ध युएई
४२ रन बिरुद्ध केन्या
० रन बिरुद्ध क्यानडा
११२* रन बिरुद्ध युएई