ह्युस्टन, टेक्सास(संयुक्त राज्य अमेरिका), ५ फागनु । पहिलो नेपाल आइडलका सर्वोत्कृष्ट तीन गायक बुद्ध, निशान र प्रतापले आज अमेरिकाको टेक्सासको ह्युस्टनमा सांगीतिक प्रस्तुति दिने भएका छन् ।
यसलाई अमेरिकाको सांगीतिक यात्राको अन्तिम कार्यक्रम भनिएको छ ।
ह्युस्टन शहरको बिमर रोडस्थित ‘द गार्डेन ह्युस्टन’मा आयोजना हुन लागेको सांगीतिक कन्सर्टमा नेपाल आइडलका तिनै जना उत्कृष्टहरु क्रमशस् बुद्ध लामा, निशान भट्टराई र प्रताप दासले आफ्नो सांगीतिक प्रस्तुति दिनेछन्।
ह्युस्टनका नेपालीहरु अमेरिकाका विभिन्न शहरहरुमा सांगीतिक प्रस्तुति दिइसकेका ‘नेपाल आइडल’का प्रस्तुति रहने यो साँझको अधीरताका साथ प्रतिक्षारत छन् ।
