काठमाडौं, ३० आषाढ । प्रधानमन्त्री शेरबहादुर देउवाले मुलुकमा फैलिरहेको कोरोना भाइरसको संक्रमणको रोकथाम तथा नियन्त्रण र संक्रमित विरामीहरुको उपचार प्रयासलाई चुस्त र प्रभावकारी बनाउन निर्देशन दिनुभएको छ ।
प्रधानमन्त्रीको कार्यालय सिंहदरबारमा आज आयोजित ब्रिफिड. सेसनमा उहाँले सो निर्देशन दिुनुभएको हो ।
आज उहाँले कोभिड–१९ संकट व्यवस्थापन केन्द्र (सीसीएमसी)का पदाधिकारीहरुसँग कोभिड–१९ को उपचार, रोकथाम र व्यवस्थापनका बारेमा हालसम्म भएका काम-कारबाहिका विषयमा जानकारी लिनुभएको थियो।
सीसीएमसीका प्रमुख बालानन्द शर्मासहितका पदाधिकारीबाट बिशेष जानकारी लिएपछि समितिलाई उहाँले कोरोनाको उपचार, रोकथाम र नियन्त्रणलाई अझ चुस्त र प्रभावकारी बनाउन निर्देशन दिनुभएको थियो ।
आज कोभिड–१९ को #उपचार, #रोकथाम र #व्यवस्थापनका बारेमा हालसम्म भएका काम-कारबाहिका विषयमा कोभिड–१९ संकट व्यवस्थापन केन्द्र (सीसीएमसी) सँग जानकारी लिएको छु। कोरोनाको उपचार, रोकथाम र नियन्त्रणलाई अझ चुस्त र प्रभावकारी बनाउन निर्देशन गरेको छु। pic.twitter.com/fftfYOwMx4
— Sher Bahadur Deuba (@SherBDeuba) July 14, 2021
