मुम्बई(भारत),२१ फागुन । बलिउड अभिनेत्री सनी लियोनी जुम्ल्याहा बच्चाकी आमा बनेकी छिन् । यो कुराको खुसी उनले आफ्नो आधिकारिक इन्स्टाग्राममार्फत फ्यानसँग शेयर गरेकी छन् ।
सोसल मिडियामा एक क्यूट फ्यामेली फोटो शेयर गर्दै सनीले लेखेकी छिन्, ‘२१ जून २०१७ मा हामीलाई यो जानकारी मिलेको थियो कि म चाँडै तीन बच्चाकी आमा बन्दैछु ।’
उनी अगाडि लेख्छिन्, ‘अशर सिंह वीबर, नोहा वीबर र निशा कौर वीबर आएपछि अब हाम्रो परिवार पूरा भएको छ । हाम्रो छोराको जन्म केही हप्ता अगाडि मात्र भएको हो तर ऊ हाम्रो सपना र दिलमा भने धेरै पहिला देखि बढिरहेको थियो । भगवानको आशीर्वादबाट हाम्रो परिवार पूरा भएको छ ।’
सनीको यो पोष्ट देखेपछि जो कोहीँ एकपटक हैरान हुन्छन् । सनी लियोनीलाई यो जुम्ल्याहा बच्चा सेरोगेसीको मद्दतबाट भएको हो । तर, उनलाई यस बारेमा जून २०१७ मा नै थाहा थियो ।
उनी सेरोगेशी अर्थात कोख भाडामा लिएर जन्माइएका सन्तानकी आमा बनेकी हुन् । सेरोगेसी आमाको बारेमा भने कुनै जानकारी दिइएको छैन ।
