काठमाडौं, ८ श्रावण । नेपाल राष्ट्र बैंकले शुक्रबार चालु आर्थिक वर्षको मौद्रिक नीति सार्वजनिक गरेसँगै शेयर बजारमा पुनः उत्साह देखिएको छ।
मौद्रिक नीतिपछिको पहिलो दिन आइतबार शेयर बजार मापक नेप्से सूचक ३ प्रतिशत बढेको छ भने कारोबार रकम पनि बढेको छ।
आइतबार नेप्से सूचक ६१.०५ अंकले बढेर २०७८.५१ विन्दुमा पुगेको छ । यस दिन २ सय १९ कम्पनीका ६४ लाख २३ हजार १ सय ५६ कित्ता शेयरको किनबेचबाट २ अर्ब ७३ करोड ९ लाख ३७ हजार १ सय ९६ रुपैयाँको कारोबार भएको छ।
शुक्रबार सार्वजनिक गरिएको मौद्रिक नीतिमा यसअघि लगाइएको शेयर धितो कर्जाको एक बैंकबाट ४ करोड र समग्र बैंकिड. प्रणालीबाट १२ करोडमात्र शेयर कर्जा लिन पाउने अघिल्लो आर्थिक बर्षको मौद्रिक नीतिको सिमामा संशोधन गर्दै लगानीकर्ताले एउटा बैंकबाट १२ करोड रुपैयाँसम्म शेयर धितो कर्जा लिन पाउने भएपछि यसको सकारात्मक असर परेको बताइएको छ।
मौद्रिक नीतिमा साना लगानीकर्तालाई प्रोत्साहन गर्नको लागि २५ लाख रुपैयाँसम्मको शेयर धितो कर्जामा १०० प्रतिशत नै जोखिम भार कायम गरिनु र २५ लाखभन्दा माथिको कर्जामा भने जोखिम भार १५० प्रतिशत कायम गरिएकोले पनि लगानीकर्तालाई राहत भएको बताइन्छ।
यस्तै मर्जरमा जाने बैंक तथा वित्तीय संस्थाको दोस्रो बजारमा कारोबार समेत राष्ट्र बैंकले नरोक्ने भएको छ। अब कारोबार रोक्ने नरोक्ने जिम्मा धितोपत्र बोर्डलाई नै दिइने छ।
यसअघि नै धितोपत्र बोर्डले मर्जरमा जाँदा कारोबार रोक्ने व्यवस्था हटाउन प्रयास गरिरहेको छ। यसले गर्दा मर्जरमा गएका कम्पनीहरुको समेत दोस्रो बजारमा कारोबार खुल्ला नै रहने भएको छ।
यी विषयहरु लगानीकर्ताले लामो समयदेखि उठाउदै आएका थिए । तिनलाई केन्द्रीय बैंकले केहि सम्बोधन गरेपछि त्यसको सकारात्मक असर बजारमा देखिएको हो।
आइतबारको बजारमा सबै उपसमूहका उपपरिसूचकहरुमा बृद्धि देखिएको छ। यस दिनफाइनान्स र विकास बैंकमा नै लगानीकर्ता बढी आकर्षण देखिएको छन्। यस दिन फाइनान्स उपसमूहको सूचक सबैभन्दा धेरै ७.२२ प्रतिशतले बढेको छ भने विकास बैंक उपसमूहको पनि ५.१० प्रतिशतले बढेको छ।
| Symbol | Current | Chng | Chng % |
|---|---|---|---|
| Banking SubIndex | 1,390.19 | 22.88 | 1.67 |
| Development Bank Index | 3,652.14 | 177.32 | 5.10 |
| Finance Index | 1,749.57 | 117.83 | 7.22 |
| Hotels And Tourism Index | 2,771.22 | 74.20 | 2.75 |
| HydroPower Index | 2,381.84 | 84.50 | 3.68 |
| Investment Index | 67.49 | 2.10 | 3.21 |
| Life Insurance | 9,819.83 | 207.77 | 2.16 |
| Manufacturing And Processing | 5,274.14 | 100.39 | 1.94 |
| Microfinance Index | 4,660.70 | 175.17 | 3.91 |
| Mutual Fund | 14.90 | 0.17 | 1.16 |
| Non Life Insurance | 8,237.66 | 117.99 | 1.45 |
यस दिन उच्च रुपले शेयर मूल्य बढ्ने १० कम्पनीमा ६ वटा फाइनान्स कम्पनी नै रहेका छन् जसमा तीन फाइनान्स कम्पनीको शेयरमूल्य १० प्रतिशतले बढेको छ।
Top Gainers
| Symbol | LTP | Pt. Change | % Change |
|---|---|---|---|
| CFCL | 368.50 | 33.50 | 10.00 |
| SFCL | 247.50 | 22.50 | 10.00 |
| MPFL | 276.10 | 25.10 | 10.00 |
| SMFBS | 1,700.00 | 150.00 | 9.68 |
| RLFL | 341.00 | 30.00 | 9.65 |
| SIFC | 338.00 | 29.00 | 9.39 |
| BFC | 407.00 | 34.50 | 9.26 |
| RFPL | 231.50 | 19.50 | 9.20 |
| NHPC | 253.00 | 21.00 | 9.05 |
| GVL | 350.00 | 29.00 | 9.03 |
यस दिन म्युचुअल फण्ड र डिबेन्चर बाहेक युनिलिभर कम्पनीको मात्रै शेयर मूल्य घटेको छ।
Top Losers
| Symbol | LTP | Pt. Change | % Change |
|---|---|---|---|
| NMBD2085 | 900.10 | -13.90 | -1.52 |
| GBD80/81 | 935.00 | -10.00 | -1.06 |
| NICGF | 10.99 | -0.08 | -0.72 |
| MMF1 | 8.00 | -0.05 | -0.62 |
| GBILD86/87 | 770.60 | -4.40 | -0.57 |
| SFMF | 11.59 | -0.06 | -0.52 |
| NIBLPF | 10.00 | -0.05 | -0.50 |
| UNL | 18,500.00 | -71.00 | -0.38 |
| SLCF | 8.68 | -0.03 | -0.34 |
| SDBD87 | 856.00 | -1.00 | -0.12 |
