Prakash Adhikari August 23, 2022

 

काठमाडौं, ७ भाद्र । गैरआवासीय नेपाली संघ (एनआरएनए) को १४ औं युरोप क्षेत्रीय बैठक तथा विज्ञ सम्मेलन स्वीडेनमा हुने भएको छ ।
गैरआवासीय नेपाली संघको यूरोप संयोजक सन्तोष भट्टराईका अनुसार संघको सो सम्मेलन आगामी २४ र २५ सेप्टेम्बरमा स्वीडेनको राजधानी स्टकहोल्ममा आयोजना हुने भएको हो।

सम्मेलनमा गैरआवासीय नेपालीहरुको नेपालमा लगानी, सम्पतीको अधिकार, नेपालमा पर्यटन प्रर्वधन, संघको विधान लगायतका विषयमा छलफल हुने भट्टराईले जानकारी दिनुभयो।

सम्मेलनको अवसर पारेर यूरोपमा कार्यरत विभिन्न क्षेत्रका विज्ञहरुले कार्यपत्र समेत प्रस्तुत गर्ने कार्यक्रम रहेको छ ।

विज्ञहरुलाई कार्यक्रममा सहभागि गराउन र कार्यक्रमको मोडालिटी तयार गर्न डा. नवराज रोसियाराको संयोजकत्वमा एक समिति गठन गरिएको छ ।

समितिको सदस्यमा राजु अर्याल, चिरन्जीबी खड्का र डा बोधराज पौडेल रहनु भएको छ । सम्मेलनमा युरोपस्थित करिब दुई दर्जन देशका तीन सय भन्दा बढी प्रतिनिधि सहभागी हुने अपेक्षा गरिएको आयोजकहरुले जनाएका छन् ।

सम्मेलनलाई सफल बनाउन संघका क्षेत्रीय संयोजकद्धय सन्तोष भट्टराई र चिन्तामणी सापकोटको संयोजकत्वमा एक उच्चस्तरिय समिति गठन गरिएको संघको समाचार संयोजक चिरन शर्माले जनाकारी दिनुभयो ।

समितिमा संघका यूरोपस्थित सबै पदाधिकारीहरु तथा केन्द्रीय सदस्यहरु, संघका राष्ट्रिय समितिका अध्यक्ष तथा महासचिवहरु रहेका छन् ।

एनआरएनएले सोही बेला संघको युरोप क्षेत्रीय महिला तथा युवा भेलाको समेत आयोजना गर्दै आएको छ ।

Share Now

Leave a comment.

Your email address will not be published. Required fields are marked*