सातदोबाटो(ललितपुर), ९ चैत्र । एएफसी एसियन कप २०१९ को छनौट खेलतर्फ समूह चरणको अन्तिम खेल यमनविरुद्ध खेल्न जाने नेपाली राष्ट्रिय फुटबल टोलीको शुक्रबार बिदाई गरिएको छ ।
सातदोबाटोस्थित एन्फा कम्प्लेक्समा एक कार्यक्रमका बीच राष्ट्रिय फुटबल टोलीका सदस्यहरुलाई बिदाई गरिएको हो ।
छनौट चरणतर्फ समूह एफ मा रहेको नेपालले मार्च २७ तारीखका दिन कतारको दोहास्थित कतार स्पोर्टस् क्लब स्टेडियममा यमनविरुद्ध स्थानीय समयअनुसार ६स्१५ बजे खेल्नेछ ।
प्रतियोगिताबाट बाहिरिसकेको नेपालका लागि यमनविरुद्धको खेल प्रतिष्ठाको भिडन्त समेत हुनेछ ।
समूह एफ मै रहेका फिलिपिन्स र ताजिकिस्तानबीचको महत्वपूर्ण खेल पनि सोही दिने हुँदैछ ।
प्रत्येक समूहको शिर्ष २ टोली आगामी बर्ष युएईमा हुने एएफसी एसियन कपका लागि छनौट हुनेछन् ।
नेपाली राष्ट्रिय फुटबल टोली
गोलकिपर : किरण चेम्जोङ, एलन न्योपाने, विकेश कुथु
डिफेन्डर : बिराज महर्जन, रजिन धिमाल, देवेन्द्र तामाङ, दिनेश राजवंशी, आदित्य चौधरी, अनन्त तामाङ
मिडफिल्डर : बिशाल राई, रोहित चन्द, हेमन गुरुङ, हेमन्त थापा मगर, सुजल श्रेष्ठ, सुनिल बल, अन्जन बिष्ट, भरत खवास
फरवार्ड : बिमल घर्ती मगर, नवयुग श्रेष्ठ, जर्ज प्रिन्स कार्की, सुमन लामा
