काठमाडौं, २१ माघ । नेपाली कांग्रेसका महामन्त्रीद्धय गगन थापा र विश्वप्रकाश शर्मा नेपाली राष्ट्रिय क्रिकेट टिमका पूर्व कप्तान सन्दीप लामिछानेको निलम्बन फुकुवा र बन्द शिविर प्रशिक्षण संलग्नतामा असन्तुष्ट देखिनुभएको छ ।
गत पौष २८ गते पाटन उच्च अदालतले सन्दीपलाई सशर्त थुनामुक्त गर्ने आदेश दिएपछि माघ १७ गते पोखरामा बसेको नेपाल क्रिकेट संघको बैठकले सन्दीपलाई गरिएको निलम्बन फुकुवा गरेको थियो ।
निलम्बन फुकुवा भएका सन्दीपलाई बिहिबार नै बन्द प्रशिक्षण शिबिरमा बोलाएर नेपाल,नामिबिया र स्टकल्याण्डबीच फेब्रुअरी १४ देखि २१ सम्म नेपालमा आयोजना हुने आइसीसी लिग टू अन्तरगतको त्रिदेशीय सिरिजको दोस्रो चरणको प्रशिक्षण समूहमा समावेश गरेका थियो ।
क्यानको यो निर्णय पौष २८ गते उच्च अदालत पाटनले दिएको आदेशको विपरित देखिदैन । उच्च अदालत पाटनको आदेशमा उनलाई विदेश जान, काठमाडौं उपत्यका छोड्न, पीडित भनिएकी महिला र उनको परिवारलाई सम्पर्क गरेर डर,त्रास,मनोवैज्ञनिक दवाव नदिन, विचाराधिन मुद्दाका विषयमा प्रेसमा नबोल्न शर्तहरु राखेको छ । तर उनले स्वदेशमा ब्यवसायिक खेल खेल्न नपाउने कतै उल्लेख गरिएको छैन ।
नेपाल क्रिकेट संघले उच्च अदालतको आदेश आएपछि यसको कानूनी असरकाबारेमा कानूनविद्हरुसंग परामर्श गरेर, आफू सदस्य रहेको अन्तर्राष्ट्रिय क्रिकेट परिषद्संग परामर्श गरेर र आफ्नो बोर्ड बैठकमा पदाधिकारी र सदस्यहरुलाई यस विषयमा सहमत गराएर निलम्बन फुकुवा गर्दै उनलाई राष्ट्रिय टोलीमा समावेश गर्ने मनशायले बन्द प्रशिक्षण शिविर र टीममा सहभागी गराएको हो ।
तर क्यानको निर्णय सार्वजनिक भएपछि नेपाली कांग्रेसका महामन्त्री विश्वप्रकाश शर्माले कानूनको नियमको पालना गर्न क्यान पदाधिकारीलाई उपदेश दिनुभएको छ ।
`क्यान´ अध्यक्षलाई फोनमा शोधें- खेलको नियम पालनागर्ने संस्थाले न्यायको नियम पालना गर्नुपर्दैन ?
खेलकुद मन्त्री @PM_nepal_ नै हुनुन्छ l ध्यानाकर्षण गराउँदछु- कि सहि भएको छ, बधाई दिनोस्, कि `यो प्रकरणमा पनि´ अदालत कुरौं, हतारको गल्ती सच्याउ भन्नोस् !
मौनता जिम्मेवार जवाफ हुन्न !!
— Bishwa Prakash शर्मा (@bishwaprakash77) February 3, 2023
त्यस्तै अर्का प्रभावशाली महामन्त्री गगन थापाले लामो स्टाटस लेख्दै सन्दीपलाई राष्ट्रिय टिमबाट हटाउन माग गर्नुभएको छ ।
अदालतमा विचाराधीन मुद्दाका अभियुक्तलाई क्यानले निलम्बन फुकुवा गरेको सम्बन्धमा मेरो धारणाका बारे धेरैले सामाजिक सञ्जाल मार्फत प्रश्न गर्नु भएको छ।
मेरो धारणा स्पष्ट छ – बलात्कार जस्तो गम्भीर अभियोग लागेको व्यक्तिले कुनै पनि बहानामा विशेषाधिकार पाउन सक्दैन, पाउन हुन्न। pic.twitter.com/vLojFVRdqJ
— Gagan Thapa (@thapagk) February 3, 2023
कानूनी मर्यादाको पाठ सिकाउने कांग्रेस महामन्त्रीद्धयको कानूनी जानकारी भने अपूरो देखिन्छ । कानूनी प्रक्रियामा कुनै आरोपित विरुद्ध उजुरी परेपछि सुरुतहबाट जे निर्णय वा आदेश हुन्छ, त्यो भन्दा माथिल्लो तहबाट अर्को आदेश वा निर्णय वा फैसला नहुँदासम्म त्यो मान्य हुन्छ । माथिल्लो तहबाट नयाँ आदेश,निर्णय वा फैसला भयो भने त्यही लागू हुन्छ । त्यसपछि पनि पराजित पक्ष अर्को तहमा जान सक्छ । त्यो भन्दा माथिल्लो तहले जे आदेश,निर्णय वा फैसला गर्दछ, त्यो मान्य हुन्छ । त्यसभन्दा तल्ला तहका मान्य रहदैनन् । सर्वोच्चबाट फैसला भएपछि पनि कहिलेकाही सर्वोेच्चमा पुनरावेदनमा मुद्दा चल्न सक्छ । पुनरावेदनबाट अर्को निर्णय आयो भने त्यो कायम रहन्छ । अरु तपसिलमा जान्छन् ।
अदालतले दिने अन्तरकालिन, अन्तरिम आदेशहरुलाई पूर्ण सुनुवाई पछि आउने आदेश,निर्णय वा फैसलाले विस्थापित गर्दछ । बेञ्चबाट हुने आदेश,निर्णय वा फैसलामा एकल इजलासको निर्णय भन्दा संयुक्त इजलासको निर्णय, संयुक्त इजलासको भन्दा पूर्ण इजलासको र पूर्ण इजलासमा पनि न्यायाधीशहरुको संख्याका आधारमा त्यसको ओज वा गाम्भिर्यतालाई लिइने गरिन्छ ।
यस अर्थमा काठमाडौं जिल्ला अदालतले थुनामा राखेर अनुसन्धान गर्न दिएको आदेशका विरुद्ध उच्च अदालत पाटनमा गएका सन्दीपलाई थुनामुक्त गर्न दिएको पाटन उच्च अदालतको आदेशको पालना हाललाई न्यायिक मर्म र पद्धतिको पालना अन्तरगत पर्दछ । सन्दीपको हकमा यो विषय उनलाई थुनामा राखेर पुर्पक्ष वा अनुसन्धान गर्ने काठमाडौं जिल्ला अदालतको निर्णय र उनलाई थुनाबाहिर राखेर पुपक्र्ष गर्ने पाटन उच्च अदालतको निर्णयको विवाद हो । उनीमाथिको अभियोगको छानबिन जारी छ ।
जब माथिल्लो तहको अदालतले तोकेका शर्त र सीमा भित्र रहेर आफ्ना अन्य अधिकार प्रयोग गर्न सन्दीपलाई रोकेको छैन भने यसमा कांग्रेस महामन्त्रीहरुको टाउको दुख्नुपर्ने कुनै कारण देखिदैन ।
अलिकति अंतर्राष्ट्रीय नजीर के छ पनि बुझेर खोकौ होला महाशय!! आरोपित हो मुद्दा चलिरहेको छ, तर प्रमाणित त भएको छैन नि!! नेइमार, रोनाल्डो, बाबर अजाम जस्ता हस्तीहरु लाई आरोप लग्दा निलम्बन गरेको सुनिएन! ११दिन पछी impगेम छ ! संदीपले नखेले कसले खेल्ने? He made proud Nepali not you!!😡😡
— Bikram Lama (@Bikramlama) February 3, 2023
कांग्रेस महामन्त्रीहरुको स्टाटसमा सर्वसाधरणले कडै टिप्पणी गरेका छन् । उनीहरुले पाकिस्तानका क्रिकेट खेलाडी बाबर आजम, बंगलादेशका बलर रुबल हुसेन, लगायतले विभिन्न आरोपमा मुद्दा लड्दै राष्ट्रिय र अन्तर्राष्ट्रिय खेल पनि खेलेको उदाहरण दिएका छन् क्रिकेटप्रेमीहरुले ।
बाङ्लादेशले केही वर्ष पहिले बलात्कार मुद्दामा जेल सजाय भोगिरहेका तिब्र गतिका बलर रुबेल हुसेनलाई जेलबाट निकालेर वर्ल्डकप खेल्न पठाएको थियो,यहाँ तारेखमा छुटेका सन्दिप लामिछानेलाई देश भित्र हुने शृङ्खला खेल्न पाउने भनेर निलम्बन फुकुवा गर्दा विश्वप्रकास र गगन थापाहरुको टाउको दुख्छ।😂
— कामरेड सोम पर्साद (@som_comredp) February 3, 2023
सन्दिपलाइ किन मुछ्नु भयो ? कि अनुराधा कोइराला पनि यो केसमा जोडिनु भाको भएर हो? नत्र राष्ट्र को गहनालाइ सडाउने खेलमा काँग्रेस र कान्तिपुर किन यसरी एकोहोरो लागिरहेको छ??
— Narayan Shrestha (@nksdc37) February 3, 2023
अदालतले रिहाई गरिसकेको, आइसिसीले खेल्न रोक नलगाएको, एक महिना भित्रै १२ वटा महत्त्वपूर्ण खेल खेल्नुपर्ने भएको अवस्था लाई नबुझी राजनीति भाषा प्रयोग नगरौं माननीय ज्यू, प्रतिबन्धित अवस्था बाट बल्ल फुकुवा भएको नेपाली क्रीकेट लाई फेरी त्यही बाटोमा लैजान खोजेको हो ?
— Puskar_Morang (@sharmapuskar820) February 3, 2023
