लण्डन (संयुक्त अधिराज्य)। युनाइटेड किंगडम नेपाल फेडरेसन अफ बडिबिल्डिङ एण्ड फिटनेस (युकेएनएफबीएफ)को आयोजनामा आगामी मे १२ मा बेलायतको स्यामुएलकोडी स्पोर्ट कलेज फार्नबारो, जीयू११/८ एसएसमा बडी बिल्डिड.(शारीरिक सुसंगठन) प्रतियोगिता हुनेभएको छ ।
प्रतियोगितामा मेन्स बडिबिल्डिङ, बिकिनी फिट्नेस, मेन्स फिजिक र ४० वर्षमाथिकाको लागि मेन्स मास्टर प्रतियोगिता हुने युकेएनएफबीएफका अध्यक्ष किशोर गुरुङले जानकारी दिएका छन् ।
प्रतियोगितामा भीआईपी टिकट २५ पाउण्डको रहेको छ भने सामान्य टिकट १० पाउण्डको रहेको छ ।
प्रतियोगितामा विजेताका लागि पुरस्कारको प्रबन्ध पनि गरिएको छ । प्रतियोगितामा पहिलो हुनेले १ हजार पाउण्ड, दोस्रोले ५ सय, तेस्रोले ३ सय पाउण्ड पाउनेछ भने मेन्स मास्टरका विजेताले ३ सय पाउण्ड पाउनेछन् । ती सबैको प्रायोजन भइसकेको छ ।
प्रतियोगितामा सहभागीहुनेले अप्रिल २१ सम्म नाम दर्ता गर्न सक्नेछन् । २०१३ देखि सुरु भएको प्रतियोगिताको यो छैठौं संस्करण हो ।
कार्यक्रममा सुपर मोडल अनिता लिम्बूको नृत्य र गायक सुदन गुरुङले सांगीतिक प्रस्तुति दिने कार्यक्रम छ ।
