काठमाडौं, १ फागुन । नेपाल सरकारले टर्किका भूकम्प पीडितका लागि औषधी, चिकित्सा उपकरण, न्यानो कपडा र अन्य आधारभूत सामग्री राहत स्वरुप पठाएको छ।
भूकम्प पीडितका लागि २२ टनभन्दा बढी राहत सामग्रीको पहिलो ढुवानी आज त्यसतर्फ पठाइएको हो।
सरकारले यही ६ फेब्रुअरीमा टर्किमा गएको विनाशकारी भूकम्पपछि राहत तथा पुनःस्थापना कार्यमा ऐक्यबद्धता जनाउँदै राहत सामग्री पठाउने निर्णय गरेको थियो।
यसअघि ८ फेब्रुअरीमा परराष्ट्रमन्त्री डा बिमला राई पौड्यालले टर्कीका समकक्षी मेभलुत काभुसोग्लुसँग टेलिफोन वार्तामा भूकम्पबाट भएको क्षतिमा टर्कीका जनता र सरकारप्रति गहिरो समवेदना प्रकट गर्दै ऐक्यबद्धताका लागि सक्दो सहयोग गर्न नेपाल सरकार तयार रहेको बताउनुभएको थियो।
The Government of Nepal has dispatched the first shipment of over twenty-two tons of relief materials containing medicines, medical equipment, warm clothing, and other basic essential items for the earthquake affected people of Türkiye this afternoon through the Turkish Airlines. pic.twitter.com/pw8XOZucoF
— MOFA of Nepal 🇳🇵 (@MofaNepal) February 13, 2023
परराष्ट्र मन्त्रालयले राहत सामग्री सहयोगका लागि सम्बन्धित सरकारी निकाय, निजी क्षेत्र र मानवीय संस्था तथा ढुवानीका लगि टर्किस एयरलाइन्सलाई धन्यवाद दिएको छ।
